Diescinco dignatario di seis isla Hulandes y Hulanda a compromete nan mes na un memorandum of understanding (MOU) pa reduci e costo di biahe entre e islanan. E seis isla a compromete pa forma un traskforce Plan Strategico Conhunto (JSP) dentro di trinta dia, cu ta bay tin mandato pa identifica y adresa factornan afectando biahe entre e islanan.

E MOU a keda firma na Aruba pa Aruba, Corsou y Sint Maarten, y Bonaire, Sint Eustatius y Saba.

Segun un comunicado di prensa, “E ta simbolisa e unificacion di entidadnan gubernamental y no-gubernamental den transporte aereo publico bao un umbrella pa mehora y sostene e sistemanan di transporte aereo di e islanan aki entre e islanan.” E comunicado ta agrega: “Autoridadnan di aviacion ta anticipa cu unabes e costo di biahe entre Sint Maarten, Saba, Sint Eustatius, Aruba, Corsou y Bonaire ta reduci, biahe di placer ta bay bolbe na su nivelnan mas halto.”

 

E Dutch Caribbean Cooperation of Airports (DCCA) a inicia e MOU aki pa enfrenta y resolve e problemanan di conectividad entre e islanan conhuntamente y maximisa cooperacion entre autoridadnan y agencianan di aviacion di islanan ACS y BES. E preocupacion general ta cu e costo di biahe aereo entre e islanan a aumenta drasticamente, resultando cu biahe di placer a cay na un nivel mas abao den dies aña.

Factornan manera aumento di tarifa di aeropuerto, costo di combustible y insuficiente opcionnan pa biahe aereo ta contribui na e prijs halto pa biahe entre e islanan. E preocupacionnan aki a impulsa DCCA pa introduci y lansa e prome vuelo electrico den Caribe na Aruba dia 6 di november ultimo, mientras e organisacion ta busca alternativanan sostenible pa biahe cu tambe ta contribui na reduci e footprint di carbon.

Brian Mingo, CEO di Princess Juliana International Airport Operating Company (PJIAE) di Sint Maarten, ta bay fungi como miembro di e Steering Committee y Action Group, cual a wordo crea pa traha riba un business plan conhunto, cual ta bay entrega dentro di siete luna desde firma di e MOU.

Minister VSA di Sint Maarten, Omar Ottley, a bisa: “Nos mester reconoce cu e lasonan familiar cu ta mara e islanan aki ta bay sufri of hasta kibra si costo di biahe enter e islanan ta continua riba e tendencia actual. No ta un secreto cu biahe for di Sint Maarten na Sint Eustatius of Aruba ta mas caro cu biaha pa Merca.” El a agrega: “Mi ta bay haci tur lo posible pa cambia esaki pa asina hende por bolbe na biahe di placer y keda conecta cu amigo y famia. Nos no por continua mirando vuelonan di 15 minuut na islanan bisiña cu tabata costa NAf. 65 no mucho tempo atras, awo ta costa $350 of mas.”

 

E ta mantene cu mientras DCCA ta riba bon caminda, ahuste di costo di biahe no mester stop dentro di islanan di Caribe Hulandes. “Nos ta beneficia di yegada di bishitante, y turistanan semper a gusta bin Sint Maarten. Nos mester considera iniciativanan manera pre-clearance Mericano y tarifanan domestico pa biaha pa y for di Merca y reforsa cooperacion cu aerolineanan digital pa biaha na Islanan Britanico. E idea ta pa haci bula entre e islanan pa tur hende, miho y mas pagabel. Mirando e plannan electrico di futuro cercano tambe ta bay hacie mas barata. Nos mester haci algo, y esaki ta e prome stap. Awo e accion”, e minister a conclui.