A traves di un yamada cu Bon Dia Aruba a tene cu mama di Ishma Werleman ayera atardi, el a informa cu su yiu di 36 aña di edad ta continua desaparecido te na e momentonan ey y cu no ta berdad cu el a aparece manera un otro medio di comunicacion a señala ayera.
Ishma te ayera tabatin 7 dia desaparecido na unda su famia ta hopi preocupa debi cu nan no sa na unda e por ta na e momentonan aki.
Sra Danila Rincones ta desmenti e noticia di ayera cu a Sali den otro medio di comunicando sigura cu Ishma a aparece lo cual no ta berdad, pa e motibo aki e ta bay tene un conferencia di prensa awe den oranan di mainta pa asina por trece dilanti mas informacion tocante e caso di su yiu.
Na momento cu Ishma a desaparece tabatin bisti un carson y blusa preto cu un tas blauw.
Sra Danila ta solicita na henter comunidad pa si tin algun informacion di su yiu Ishma pa tuma contact cu e number di telefon di polis 100, 641.2426 of 630.6914.
