Tabata dia 15 di september ultimo ora Ishma a sali for di Fundacion Contra Violencia Relacional pa bay cas di su casa cu ken e no tabata pasando den un miho momento y despues di esey el a perde manera su mama Danilla Rincones a sigura den un conferencia di prensa, diasabra ultimo a bira conoci cu Ishma a aparece den oranan di marduga danki na accion oportuno di Polis.
“Mama di Ishma ta gradici tur cu a resa den mi tristesa, un biaha mas danki di curason na tur cu a yuda mi, cu a duna mi forsa, na famia Werleman mi no tin palabra pa gradici, pero di henter mi curason mi ta pidi husticia pa maltrato pa hende muhe laga husticia tuma ley den nan man.”
Tabata e palabra di Danilla, mama si Ishma ken a informa cu polis a haya su yiu diasabra ultimo den oranan di marduga.
Debi na problemanan cu Ishma tin cu su casa, el a dicidi di bay cerca Fundacion Contra Violencia Relacional y pone distancia debi na supuesto maltrato cu e mama mes a sigura tabata tuma luga, dia 15 di september Ishma a haya un yamada di su casa pa bay cerca dje y for di eynan ni un hende a wak’e mas pa loke su mama a bati alarma pa polis cuminsa cu su buskeda.
Por fin e angustia y e buskeda a caba diasabra ultimo na unda Ishma a bay back cerca su famia y su dos yiu ken tabata haya falta di nan mama.
