Isha oficialmente di dos tormenta di aña na Hulanda; KLM ta cancela 130 vuelo

(NLTimes) – Tormenta Isha oficialmente a bira e di dos tormenta pa dal Hulanda e aña aki. Desde anochi, biento cu forsa di tormenta ta suplando na Vlieland y IJmuiden pa varios ora, segun Weeronline ta reporta. KNMI a emiti un advertencia codigo oraño pa area di Noord-Holland y Wadden, advertiendo di biento fuerte cu rafaga di hasta 110 kilometer pa ora.

Un advertencia codigo geel ta valido pa resto di e pais.

KLM a cancela 130 vuelo pa y for di aeropuerto di Schiphol pa motibo di e tormenta.

E biento mas grandi cu a midi tabata 110km/h na IJmuiden, sigui pa 109km/h na Vlieland.

Provincianan den interior di e pais por experimenta rafaga hasta 90 kilometer pa ora. E provincianan den costa por mira rafaga di hasta 100km/h, segun KNMI a bisa.

Schiphol a adverti cu e clima di tormenta y biento fuerte por resulta den cancelacion y retraso di vuelo. “Nos ta sorry pa biaheronan afecta pa esaki,” e aeropuerto a bisa. “Si bo ta bulando na y for di Schiphol, check e informacion mas recien di vuelo prome cu bay aeropuerto.”

“E presion abao cu biento fuerte y awasero asocia ta afectando Reino Uni, nort di Francia, BENELUX, nort di Alemania y Scandinavia (sneeuw),” segun a skirbi control di trafico aereo Europeo, Eurocontrol, den su update pa 8:10am dialuna. “Rafaga di biento y windschering di hasta 30 nudo ta reporta pa mayoria di e aeropuertonan principal den e areanan aki.”

Vuelonan yegando Schiphol a keda reduci pa motibo di tormenta y biento fuerte, cu biento spera pa causa mas retraso di 9:40am. Pa 8am, website di e aeropuerto a reporta 74 yegada y 57 salida cancela, y 82 yegada y 39 salida retrasa.

KLM a cancela 65 yegada y 65 salida na e aeropuerto. Esaki ta involucra vuelonan na y for di destinacionnan Europeo, un vocero di KLM a bisa NH Nieuws. “Esaki ta hopi desafortuna pa nos clientenan cu nan vuelo a keda cancela.” KLM a tuma contacto cu e clientenan afecta y a registra nan den otro vuelonan.

Rijkswaterstaat y ANWB a urgi usuarionan di caminda pa core cu extra cautela riba dialuna mainta pa motibo di e biento fuerte y clima di tormenta. “Ahusta bo manera di core auto si bo subi caminda,” Rijkwaterstaat a bisa. Pa 7:25am, ANWB a reporta 57 jam di trafico cubriendo 313 kilometer di caminda Hulandes.

Resto di e siman ta bay tin biento y awasero, specialmente awe diamars, pero tambe ta bay tin espacio pa un tiki solo. Temperatura maximo ta bay ta entre 10 y 13 grado Celsius. KNMI ta spera pa emiti otro advertencia pa biento fuerte riba diaranson.

E prome tormenta di aña, Henk, a dal Hulanda riba dia 2 di januari. Pa motibo cu un tormenta tambe a pasa riba e pais dia 21 di december, Isha ta e di tres tormenta di winter.