RAQQA – Terorista nan di IS tin plan pa crea un di e “purificacion religioso di mas grandi” den historia cu ayudo di arma nuclear.
Asina un periodista Aleman a splica despues cu e la pasa 10 dia “undercover” den e organisacion di terorista. Jürgen Todenhöfer, di 75 aña ta un ex miembro di parlamento, a skirbi di su experiencia den e buki Inside IS – 10 Tage im ‘Islamischen Staat’. E ta adverti pa un ‘nuclear tsunami’ contra Merca y cualkier otro cu ta contra di IS. .
E periodista ta bisa cu e no ta kere cu Merca ta cla pa bay contra di e organisacion aki, segun e, e poder y forsa IS ta wordo sumamente”underestimated”. Nan tin un region dos biaha mas grandi cu Inglatera den nan poder, y tin e sosten fe un grupo enorme den e regionnan cu tin guera. Tur dia tin hende fe rond di mundo ta aplica pa bira parti di nan organisacion.
Nan video nan mustrando con nan ta corta cabes di nan prizonero nan afo manera cu ta nada, esey ta nan manera di mustra con lew nan ta bay y cu nan no tin miedo. Dunando nan enemigo nan miedo den e forma ey. Y e ta traha hopi bon tambe. Mirando con facil Mosul a wordo tuma cu menos di 400 hende, e ta conta, “e grupo aki ta e esun di mas cruel y peligroso cu mi a yega di contra cun’ e” Todenhöfer ta termina di bisa.
Unico manera cu Todenhöfer por a yega asina cerca di IS ta pa motibo di su reputation como critico grandi contra e militar nan Americano na Irak y Afghanistan.
