Horcan Irma a destrui varios edificio y causa inundacionnan grandi na hopi di e islanan Frances den Caribe. E cuater edificionan di mas fuerte na Saint Martin, comparti door di Francia y Hulanda, a keda destrui. Actualmente sistemanan di comunicacion a cay entre  Paris cu Saint Martin y Saint Barthelemy.

Esaki ta un horcan cu a yega na bira categoria cinco, cual ta haci e un tormenta hopi peligroso y esun di mas grandi den e ultimo decada nos tras yegando bientonan di 300km pa ora. E tormenta ta yegando Puerto Rico y Republica Dominicana. Na Merca, ya caba tin evacuacionnan grandi tumando luga na parti west di Florida. Gobierno Frances ta preocupa con miles di hende mester a bay busca shelter na e islanan desde ayera. Den un declaracion nan a laga sa cu Francia lo ta mandando tres team di emergencia na e islanan, dos di Francia y uno di Guadeloupe. Aeropuertonan ta cera na varios di e islanan y autoridadnan a apela na hende pa bay acudi na shelternan publico.


Kibra record
Mientras horcan Irma a bira asina fuerte cu no solamente awor ta cay den categoria maximo 5, sino tambe ta kibra record di e tormenta mas grandi registra. Mientrastanto tin un otro horcan na caminda pa e islanan Nort di Caribe, segun National Hurricane Center (NHC).

Miembronan di militar staciona na Aruba y e tres boluntario di Cruz Cora Aruba a yega St. Maarten ayera pa duna un man. Aeropuertonan di e islanan St. Maarten y tambe St. Eustatius y Saba ta cera desde ayera atardi. E comunidad a prepara su mes henter dia, tuma medidanan pa proteha cas y luga comercial. Den supermercadonan hende a cumpra awa y alimentacion na cantidad. Autoridadnan ta conseha pa tin suficiente come y bebe pa un siman. Cualkier ta parce necesario awor cu diasabra ta spera un otro horcan yama José.

St. Maarten tin 11 shelter pa vang op hende y tin cu a habri caba pa esunnan cu no kier keda na cas durante e horcan. Ultimo informacion ta cu na diferente luga coriente a bay caba. Momento di cera e biento tabata suplando riba 360 km/h. E lama tambe tabata hopi bruto caba y por spera olanan di mas cu 7 meter.