(AP) — Iran a colga dos homber ayera condena di blasfemia, autoridadnan a bisa, cumpliendo sentencianan inusual di morto pa e crimen mientras e cantidad di ehecucion ta aumenta na e Republica Islamico despues di lunas di disturbio.
Iran ta keda un di e ehecutornan top na mundo, matando al menos 203 prisonero desde comienso di e aña aki so, segun e grupo Iran Human Rights basa na Oslo, Noruega. Pero cumpliendo orden di ehecucion pa blasfemia ta keda inusual, ya cu autoridadnan a reduci e sentencia den casonan anterior.
E dos homber ehecuta, Yousef Mehrad y Sadrollah Fazeli Zare a muri na e Prison Arak na centro di Iran. Nan a keda aresta na mei di 2020 acua di ta involucra den un canal riba app di mensahe Telegram yama “Critica di Supersticion y Religion,” segun Comision Mericano riba Libertad Religioso Internacional. Ambos a enfrenta lunanan di detencion solitario y no por a tuma contacto cu nan famia, segun e comision.
Agencia noticiero Mizan di hudiciario Irani a confirma e ehecucionnan, describiendo e dos homber como cu nan a insulta e Profeta Mohamed di Islam y a promove ateismo. Mizan tambe a acusa nan di kima un Quran, e buki sagrado di Islam, maske no tabata cla si e homber supuestamente a haci esaki of a comparti imagennan asina den e canal di Telegram.
