Cientificonan a demostra pa medio di diferente estudio cu ta existi un conexion entre e uzo regular di marijuana cu un contenido halto di THC y psicosis. E estudio aki a keda publca den e revista cientifico ‘The Lancet Psychiatry’.
Como base di e estudio a uza un total di 2138 persona di cual 901 di nan a pasa 1 biaha caba den un problema di psicosis. E resultado a demostra cu 30 porciente di e grupo aki di 901 hende, ta personanan cu ta consumi marijuana tur dia. E cientificonan ta di opinion cu probablemente e consumo di marijuana lo ta e casa di un risico mas halto pa pasa den un problema di Psicosis.
E estudio ta bisa mas aleu cu si mira por ehempel e tipo di marijuana cu ta ser bendi na Hulanda, e cantidad di THC (e componente cu ta causa efectonan di psicosis) cu tin den esaki, ta aumenta e risico casi 5 biaha mas hopi.
E estudio aki ta e prome estudio cu a ser haci cu ta inclui e contenido di e THC den su resultado. Actualmente na Aruba e legalisacion di cannabis (marijuana) ainda ta canando su curso y tin un polarisacion grandi entre esnan cu ta sea pro, contra of pro parcialmente (medicinal).
