(AP) – Casi un kwart di bestia bibando den riu y otro fuente di awa fresco ta menasa cu extincion, segun investigacion nobo publica diaranson.
“Riunan grandi manera Amazon por aparenta di ta fuerte, sinembargo na mesun tempo e ambientenan di awa fresco ta hopi fragil,” e estudio su co-autor Patricia Charvet, un biologo na Brazil su Federal University of Ceara.
Habitatnan di awa fresco ta cubri menos di 1% di e planeta su superficie, sinembargo ta sostene 10% di e especienan cu ta depende riba esaki, segun Catherine Sayer, un zoologo na International Union for Conservatio of Nature in England.
E investigadornan a examina alrededor di 23,500 especie di bestia u ta depende exclusivamente riba ecosistema di awa fresco. Nan a haya cu 24% tabata den riesgo di extincion – clasifica como vulnerabel, den peliger of criticamente den peliger – a causa di menasanan cu ta keda aumenta for di contaminacion, dam, extraccion di awa, agricultura, especie invasivo, cambio di clima y otro strobamento.
“Mayoria di especie tin solamente un menasa poniendo nan den riesgo di extincion sino varios menasa ta actua hunto,” Sayer, co-autor di e estudio a bisa.
