Un investigacion nobo ta ofrece pistanan biologico pa splica dicon hende muhe ta desaroya malesa di Alzheimer mas cu hende homber y con e forma mas comun di demencia ta desaroya dependiendo di sexo.
Na un conferencia internacional di Asociacion di Alzheimer na Los Angeles, cientifico a ofrece evidencia cu ta mustra cu e malesa ta plama diferente den cerebro di un hende muhe cu den hende homber. Otro investigado a mustra cu a identifica algun gene relaciona cu malesa di sexo.
2/3 di e caso di Alzheimer na Merca ta hende muhe y ‘no ta solo pasobra nos ta biba mas’ a splica Maria Carillo, Director di asociacion cientifico, tambe tin un base biologico pa e diferencia di sex den e malesa.
Algun estudio ta sugeri cu hende muhe di cualkier edad por desaroya Alzheimer mas cu hende homber. Cientifico tambe sa cu a gene yama APOE-4 a parce aumenta e riesgo pa hende muhe cu pa hende homber na cierto grupo di edad.
Na e mesun tempo, hende muhe cu e malesa na su prome fase no por wordo diagnostica pa motibo cu nan tin miho resultado cu test verbal cu hende homber. Den estudio nobo ta agrega evidencia y posibel splicacion pa variacion di sospecha di con hende muhe y homber ta desaroya e malesa.
Investigado di Universidad di Vanderbilt a haya diferencia den como e ‘tau’ un proteina cu ta forma y destrui celnan nervioso, nan ta bay hunto den celebro di hende muhe den comparacion cu hende homber.
For di hopi tempo, nan sa cu hende muhe ta miho den test di memoria verbal, tambe habilidad di corda palabra y lista. Investigado di Universidad di California na San Diego, a haya cu hende muhe tin miho resultado cu habilidad apesar di señal di Alzheimer trempan den comparacion cu hende homber, uzando exploracion di mas di 1.000 adulto cu a haya diferencia di sex di con e celebro ta uza sucu manera su fuente principal di energia.
Hende muhe ta metabolisa sucu miho, loke ta duna nan miho capacidad pa compensa e daño causa pa demencia y haci menos probabel cu nan diagnostica pa test cu ta involucra habilidad verbal.
\
