Diahuebs mainta pa 11’or hardinero cu ta mantene e cura di cas di Luis Mansur na Nuñe a raporta na Polis cu lo tin un kiebro na e cas y e doño mes no t’ey. Di biaha Polis ta presenta na e sitio pa asina start un investigacion di e kiebro a busca contact cu Luis Mansur pa wak unda e ta.
Di biaha a start un investigacion grandi pa wak si ta trata di un caso di secuestro, y cu supuestamente pa 1:50 merdia a haya contacto cune. Pero e momento cu e kiebro no tabatin ni e cria, ni yiunan na e cas cu a pone cu e caso aki a bira uno grandi. A tuma e toyota prado di Luis Mansur den beslag pa mira kico por haya como evidencia. Tambe a detene algun hende prome cu a tuma e vehiculo den beslag pa asina wak kico nan por comenta na autoridad. Ta ser papia cu full e famia a keda secuestra pero di parti autoridad ta ser informa cu a haya contacto cu Luis Mansur y awor lo bay cana e caminda pa wak kico lo por tabatin di berdad si un miembro di e famia a keda secuestra. Segun nos ta compronde, e famia ainda tin inclaridad riba kico ta pasando. Bon Dia Aruba lo acudi na autoridadnan pa mas informacion.
