Cientificonan di hospital universitario di Radboud University na Nijmegen ta bisa cu na a descubri multiple viantenan di DNA cu ta indica un riesgo grandi di desaroyo di esclerosis muscular. E descubrimento lo permiti cu e investigadonan por haci un investigacion mas specifico tocante e enfermedad, esaki ta segun e organisacion MS Charity Nationaal Fonds.
MS ta un malesa di e sistema nervio central cu ta interumpi e fluho di informacion den e celebro y entre e celebro y e curpa. E mas importante di e descubrimento di Radboud ta centra den e gen MBP, cu ta produci un proteina cu ta forma un capa di proteccion alrededor di e nervionan. Den pashentnan cu MS e anticurpa ta detene e produccion di proteinanan lagando e nervio desprotegi.
Esaki ta laga e nervionan incapaz di manda señalnan pa e celebro, cual ta caba na paralisis. E cientificonan kier uza e celnan di cuero di e pashentnan cu MS pa cultiva stem cells di celnan di nervio pa asina busca remedinan nobo. “Nos kier usa algun di e gennan cu nos a haya den un estudio funcional pa evalua e nivel di cel pa asina wak con e defectonan genetico ta funciona”, esaki ta locual e asociacion di investigacion Geert Poelmans a bisa.
“E resultadonan di e investigacion lo sigui centra den desaroyo nobo di tratamento a largo plaso pa contraresta e MS”, E cientificonan ta kere cu un combinacion di factornan ambiental y geneticonan ta contribui na e riesgonan di desaroya MS. Mas o menos 17.000 persona na Hulanda actualmente tin MS, cu 800 caso nobo diagnostica cada aña. E descubrimentonan nobo a ser realisa comprobando cu DNA di e pashentnan cu MS y nan familiarnan sano.
