Update: abogado ta bisa a base di rapport riba e investigacion di Rijksrecherche, cu a maltrata Mitch Henriquez severamente.
E investigacion cu a wordo haci despues cu Mitch Henriquez a fayece a keda cla. Rijksrecherche a pasa e dossier pa Openbaar Ministerie.
Y e dossier ta bisa lo sigiente:
E Arubiano Henriquez a muri na juni pa falta di aire, y esaki a sosode pa motibo di forsa cu e polisnan a uza ora cu a aresta Mitch. Esaki a sosode na e festival di muziek na Zuiderpark na Den Haag. Tabata tin 5 polis involvi den e caso aki. Tur ta wordo considera sospechoso den e caso, OM no a dicidi niun decision ainda riba nan consequencia. Ainda falta di pone un dia pa “regiezitting” den e caso, OM a bisa.
Den e caso tabata tin varios testigo cu a wordo colecta y tambe videonan a wordo mira. E morto di Mitch Henriquez a resulta cu despues tabata tin varios protesta na e Haagse Schilderswijk.
Fuenta: Amigoe Aruba
