Hunta di siguridad di transporte local dialuna a pidi e Administracion Federal di Aviacion pa enforsa su reglanan gobernando operacion di parachute, mientras oficialnan na Hawaii a revela nomber di shete di e 11 victima cu a perde nan bida ora nan avion di skydiving a accidenta siman pasa.
Esaki ta bira e accident di aviacion civil mas mortal for di 2011. E mesun avion a yega di sufri daño na e parti atras ora cu tabata transporta pa skydiving na nort di California na 2016. Nan a haci reparacion pa pone avion den servicio, segun trahado di e Hunta di Siguridad di Transporte Nacional (National Transportation Safety Board, NTSB) a bisa na un conferencia.
“Nos lo mira e calidad di reparacion, pa mira si tabata inspecciona y tabata den condicion pa bula”, Jennifer Homendy, di e agencia, a bisa. E avion su capacidad tabata pa hiba 13 persona. Na e accidente di 2016, e avion su motor a para tres biaha y a keda bira varios biaha prome cu e piloto logra tuma control, anto e persona a bula cu nan ekipo di skydive, segun informe di investigacion.
Homendy a bisa cu tabatin 80 accidente y 19 morto relaciona cu skydiving desde 2008.
Autopsia a mustra cu tur 11 a fayece di herida durante e accidente. Identidad di cuatro victima ainda ta wardando confirmacion, oficina di examinado medico a bisa. E victimanan ta inclui 10 homber y un muhe. E avion tabata hibando pasahero pa skydiving for di Ohau Parachute Center, un negoshi di North Shore nort di Honolulu.
