E rapport di Algemene Rekenkamer Aruba (ARA), “Op afstand, maar toch dichtbij” ta enfoca riba instancianan cu ta poni na un distancia di pais Aruba. E rapport aki a investiga e periodo financiero di 2018 pa 2020 y bay mas profundo den seis instancia. Un di e instancianan aki ta Post Aruba N.V.

Post Aruba N.V. tabata antes un servicio di pais Aruba, bou di e nomber Servicio Postal. Post Aruba a ser estableci dia 24 di augustus 2005 y riba 1 di september 2005 el a bira formalmente autonomo. E meta di Post Aruba ta e envio y entrega di carta-, pakete- y otro documentonan den, for di y pa Aruba, of ehecucion di otro servicio suplementario facilitario pa su mes y pa e beneficio di otro, incluyendo servicio di courier, servicio financiero y bancario, mail directo, servicio digital y benta minorista, of e participacion den y e maneho di otro negoshi cu tin un meta similar.

Pais Aruba ta 100% shareholder di Post Aruba desde momento di su privatisacion. Den Post Aruba pais Aruba, y den esaki e minister responsable, tin un rol amplio. Apart di su responsabilidad di politica den e area di comunicacion, e minister di Economia, Comunicacion y Desaroyo Sostenibel ta representa e pais Aruba den e reunion general di shareholdernan (AvA).

Post Aruba ta localmente suheto na su Landsverordening y internacionalmente e ta suheto na e regla di Universal Postal Union. E tarifa di entrega di post tanto na nivel nacional como internacional ta legalmente fiha.

Post Aruba ta dependiente di pais Aruba pa, mediante cambio di ley, actualisa e tarifanan aki. E tarifanan a ser cambia pa ultimo biaha na 2002. E espacio di operacion na Post Aruba ta, den tur loke ta tarifa di su negoshi central, limita pa esaki. Aunke e Postbesluit 82 ta duna Post Aruba un posicion di monopolio pa transporta cierto carta- y documentonan, toch tin competencia den tur servicio. E competencia aki ta ser tolera.

Post Aruba tin e libertad pa determina tarifanan pa otro servicionan. Sinembargo, e institucion no ta stabiel den e generacion di entrada extra, por ehempel door di activamente pidi na e minister pa un aumento di tarifa of door di desaroya actividad nobo.

Despues di e pago di e capital di share di Afl. 25 miyon pa pais Aruba na 2011, e ta atribui fondo anualmente den forma di transferencia di capital na Post Aruba. Esaki sin cu tabatin un expansion di e capital social. E Comptabiliteitsverordening 1989 (CV 1989) tampoco ta duna espacio pa e transferencianan di capital pa pais Aruba. E transferencianan di capital di pais Aruba pa Post Aruba ta, pa motibo di esaki, ilegal for di un punto di bista financiero.

E transferencianan aki, cu ta ser registra como transferencia informal di capital pa Post Aruba, ta continua. Esaki ta ser presenta den e tabel 2.1. E continuidad di Post Aruba ta dependiente di e transferencianan di capital di Pais Aruba, cu pa final di 2020 tabata suma Afl. 34.1 miyon.

E structura di gobernansa di Post Aruba ta un modelo two-tier, cual ta nifica cu e ta consisti di un directiva cu ta bou supervision di un Conseho di Comisarionan (Raad van Commissaren, RvC). E director y miembro di RvC ta ser nombra pa e Reunion General di Shareholdernan (Algemene vergadering van Aandeelhouders, AvA). Tanto e director como e miembro di e Conseho mester tin e experiencia y conocemento necesario, cu ta ahusta den e operacion di negoshi y meta di e compania.

Post Aruba tin for di 1 februari 2024 cuater miembro nobo di RvC. E di cinco miembro ainda no tin tur e documentonan di rekisito di e Banco Central di Aruba (CBA). E candidato aki no ta segun cu e statutonan di e compania. Segun e statutonan, e RvC ta consisti di cinco miembro. Si e cantidad di comisarionan ta menos cu cinco, e Conseho ta keda bevoegd competente y e AvA ta tuma medidanan di complemento di e cantidad di miembronan inmediatamente.

Apart di RvC y AvA, Post Aruba ta bou vigilancia tambe di CBA, pa motibo di e actividadnan anterior di servicio financiero cu tabata ser ehecuta como agente di e compania Western Union y giro postal. Aunke e actividadnan aki a ser para, e compania ainda tin e permiso. E supervision di CBA ta limita den practica, pero nan mester duna aprobacion pa nombramento di miembro pa RvC.

Post Aruba ta sufri perdidanan grandi ya durante hopi aña. E continuidad di e compania ta depende grandemente di e disposicion di pais Aruba, pa continua e financiamento (den forma di transferencianan di capital) di su capital propio. Asina e compania ta ser ta keda na bida durante hopi aña.

Tabel 2.1 ta indica cu e deficit acumulativo ta sigui subi pa motibo di e resultadonan negativo di cada aña. E resultadonan negativo di cada aña a duna como resultado cu e deficit acumulativo di Post Aruba di Afl. 37.9 miyon na 2015 a subi te na cerca di Afl. 59.1 miyon na 2020.

Durante añanan diferente medio di comunicacion a bira mas digital y esaki a reduci e comunicacion den forma di carta- y carchinan grandemente. Aki tambe Post Aruba a mira un caida den e volumen di entrega di cartanan. Aparte di e envio y entrega di carta, Post Aruba ta ofrece otro servicio manera courier y e-commerce. Tin varios compania priva cu ta ofrece e servicionan aki tambe. E compania aki no ta suheto na e obligacion legalmente estableci. Esaki ta limita Post Aruba den su posibilidadnan di crece den e servicionan aki. E regulacion di e mercado postal ta den man di gobierno.

E ganashinan genera pa Post Aruba no ta suficiente pa cubri e costonan di operacion. E costonan di salario y e costonan di impuesto social, ta forma e mayoria di e total di costonan di Post Aruba.

E costonan di personal ta mas abou na 2020, pa motibo di e reduccion di salario cu 12,6% relaciona cu e medidanan di solidaridad di e pais. E cantidad di empleado a keda igual den e periodo aki. Den 2017, 2019 y 2020 tabatin 114 empleado na trabou, den 2018 tabatin 117. Pa Post Aruba no tabata posible pa forsa e despedida di personal como consecuencia di e pandemia di Covid-19, pa motibo di limitacionnan di gobernacion. Post Aruba a introduci un schema VUT un biaha na 2021 pa reduci e personal. E pago di e schema VUT pa e nuebe empleadonan cu a usa e oportunidad, lo caba na 2024.

E investigacion di ARA ta mustra cu tin debenan mutuo entre Post Aruba y pais Aruba. Asina e compania a acumula debenan pa motibo di no paga impuesto di salario y primanan social. Di otro banda, pais Aruba ta ser registra como e cobrado di debe mas grandi di comercio den e balans di cuenta di e compania.

Buki 2 BW titulo 593 ta contene tur e disposicionnan riba e naamloze vennootschap, incluyendo e disposicionnan riba e presentacion di contabilidad. Buki 2 BW ta duna e posibilidad pa e statutonan separa di e vennootschap pa regula asuntonan diferente, e posibilidad aki ta ser menciona den Buki 2 BW.

Digno di menciona ta e hecho cu na Post Aruba, tanto den e Landsverordening Verzelfstandiging Postwezen como den e statutonan di Post Aruba tin un periodo pa entrega e cuentanan anual. E periodonan aki no ta coherente. E statutonan ta menciona un periodo di cinco luna despues di ciere di e aña di buki.

Den e Landsverordening menciona ta inclui: “E minister ta sigura cu Post Aruba N.V. ta entrega un rapport anual y un cuenta anual, firma pa un accountant registra cerca dje riba mas tarda 1 di april di cada aña.”

Ta notabel tambe cu un responsabilidad pa e entrega di e rapport anual y cuenta anual, ta ser poni riba e minister encarga cu e asunto postal. Entrega di cuenta anual di Post Aruba no a mantene su obligacion di contabilidad pa e aña 2018 te cu 2020.