Investigacion cientifico no por confirma resultado di laboratorio di varios experimento relaciona cu cancer

(AP) – 8 aña pasa, un ekipo di investigado cientifico a lansa un proyecto pa cuidadosamente recrea experimentonan di comienso pero di influencia di laboratorionan relaciona cu investigacionnan di cancer.

Nan a recrea 50 experimento, e tipo di experimentacion preliminar cu raton y tubo di prueba cu ta crea e escenario pa medicamentonan nobo pa trata cancer. E resultadonan reporta riba diamars a ilustra cu mita di e declaracionnan cientifico no a resulta.

“E realidad ta cu tin biaha nos ta gana nos mes. Mayoria di loke nos ta declara ta nobo y significante, en realidd no ta asina,” Dr. Vinay Prasad, un dokter di cancer y investigado na e University of California, San Francisco, ken no tabata involucra den e proyecto a bisa.

E ta un pilar di ciencia cu e descubrimentonan mas fuerte ta bini di experimentonan cu por ser recrea cu resultadonan similar.

En realidad, tin tiki stimulante pa e investigadonan comparti metodo y datonan uno cu otro pa asina otronan por verifica e trabao, Marcia MCNutt, ken ta president di National Academy of Sciences a expresa. Investigadonan ta perde prestigio si nan resultado no prevalece den e critica.

Tin cierto premio den e publicacion di descubrimentonan nobo.

Pero pa pashentnan di cancer, esaki por trece speransa falso ora di lesa articulo tocante un estudio haci cu raton cu ta mustra di priminti un cura pa cancer “cu lo bini pronto,” PRasad a bisa. “Progreso den e area di cancer semper ta hopi mas poco poco di loke nos ta spera.”

E estudio nobo ta refleha riba faltanan den e comienso di e proceso cientifico, no cu e tratamentonan estableci. Pa ora cu e medicamento di cancer drenta mercado, nan a pasa door di varios test rigoroso y den cantidad grandi di hende pa sigura cu nan ta sigur y efectivo.

Pa e proyecto aki, e investigadonan a purba recrea experimentnan plublica den corantnan di cancer biologico for di aña 2010 te cu 2012 manera Cell, Science y Nature.

En general, 54% di e resultadonan original a fracasa di cumpli cu e criterio estadistico cu a ser poni den e tempo aki pa e Reproducibility Project, segun e ekipo su estudio publica online riba diamars pa eLife. E organisacion eLife ta ricibi fondo di Howard Hughes Medical Institute, cual tambe ta sostene The Associated Press su departamento di ciencia y salud.

Un co-autor di e estudio di cancer di prostata a conta cu investigacion haci na Sanford Burnham Prebys Research Institute a prevalece na tur critica y test cu a haci den su contra.

“Tin suficiente reproduccion den e literatura cientifico di nos resultado,” Erkky Ruoslahti a declara, ken a cuminsa e compania cu awo ta conduci e experimentonan aki riba humanonan cu e mesun elementonan pa cancer pancreatico den metastase.

Esaki ta e di dos analisis grandi haci pa e Reproducibility Project. Den aña 2015 nan a haya problemanan similar ora cu nan a purba di recrea experimento den e area psiclogico.

Co-autor di e estudio Brian Nosek di Center for Open Science a bisa cu e por ta un desperdicio di tempo pa desaroya y crea medicamento nobo sin antes dedica tempo na recrea y ripiti e descubrimentonan cu ta forma e base di e medicamentonan aki pa asina controla di en realidad e efectividad y siguridad ta constant y por prevalece den medio di critica y reviso.