Ministerio Publico ta hibando un investigacion dilanti pa haya sa causa di morto di e baby cu a fayece ayera merdia.
Manera Cuerpo Policial a informa ayera atardi, curpa di e baby J.K. naci na Aruba riba 21 di december di 2017 a wordo tuma den beslag y ta haciendo investigacion riba e causa di morto di e baby. Esaki despues cu dokter Oudschoorn a constata morto di e baby pa 3 or y mei ayera atardi.
Aunke tin varios ideanan ta circulando den prensa pa loke ta trata e causa di morto– cual segun cierto medionan a wordo causa pa stik den lechi– autoridadnan te ainda no por a determina e causa. Vocero di Ministerio Publico a indica cu e investigacion ta enfoca riba haya sa e causa di morto por medio di analisa curpa di e baby pa asina por haya claridad con pa sigui.
