(AP) – Un ex polis despedi di su trabao como investigador na U.S. Center for SafeSport pa supuesto robo di placa confisca na un inval di droga a keda deteni un biaha mas, e biaha aki acusa di violacion y trafico sexual.
Jason Krasley, un ex oficial di polis na Allentown, Pennsylvania, a keda deteni diabierna y acusa di violacion y servicio sexual involuntario pa crimennan cu supuestamente el a comete mientras e tabata miembro di e cuerpo entre 2011 te cu 2015, segun comunicado di prensa di e oficina di procurador general.
Krasley a bay for di e departamento den 2021 y a bay traha pa SafeSport Center, cual a despedi su persona aña pasa despues di a haya sa cu el a ser deteni pa robo di 5,500 dollar for di un inval di droga cu el a yuda conduci.
E detencion nobo ta trece dilanti e pregunta di con Krasley por a maniobra den loke e oficialnan den centro di esaki ta bisa ta un proceso robusto pa contrata hende cu e tarea di descubri informacion sensitivo tocante casonan di abuso sexual.
E centro basa na Denver a keda estableci den 2017 pa lidia cu casonan di abuso sexual den deportenan Olim[ico for di nivel elite te e niel mas abao. Desde fin di aña pasa, e tabatin 36 persona den su ekipo di investigacion; el a drenta den forsa policial, unda algun detective ta lidia cu casonan similar, pa por yena algun di e posicionnan aki.
“Mi ta sumamente impacta cu un ex empleado a ser acusa di e actonan aki den su rol anterior como polis,” CEO di SafeSport Ju’Riese Colon a bisa den un declaracion via email. “Nos ta tene tur empleado na e standard mas halto pa motibo cu salbaguardia atleta ta nos prioridad mas halto.”
AP a tende di dos cas su Krasley a trata – un di nan a keda asigna na otro investigador despues di su detencion a causa di e robo. E otro, e victima a pidi si su caso por keda habri un biaha mas despues di e detencion y a ser bisa den un email di Safesport cu “e temanan aki ya caba tabata bao evaluacion prome cu e peticionnan y atencion den media.
Colon a bisa cu e centro a comisiona un audit independiente di e casonan cu Krasley a maneha.
