(AP) – Inversionista Mericano Martin Shkreli ta enfrentando un demanda nobo pa aparentemente mantene y comparti grabacionnan di un album di Wu-Tang Clan cu ta unico di su tipo cu el a ser obliga bende despues di su condena den aña 2017 bao acusacionnan di fraude.
E demanda a ser treci dialuna pa colectivo di criptomoneda, PleasrDAO, cual a cumpra e unico copia di e album for di Shkreli pa 4.75 miyon dollar. E album, “Once Upon a Time is Shaolin,” no a ser lansa pa publico, marcando e album como un piesa di arte contemporaneo desde cu el a ser subasta pa e grupo di hip-hop den 2015.
Den e demanda otorga na Brooklyn, New york, corte federal, PleasrDAO a acusa Shkreli di a haci y keda cu copiaan digital di e album den violacion di nan trato y di plama esaki entre su siguidonan di rednan social.
Nan ta señala na su comentarionan recien riba rednan social unda e ta papia tocante comprti e grabacionnan digital cu “miles di persona.” Durante e fin di siman, Shkreli a toca porcionnan di e album durante un livestream cu el a anfitriona riba X, cual el a yama “Wu tang official listening party,” segun e demanda.
Shkreli no a contesta peticion pa comentario.
E demanda ta marca e cambio mas recien pa un album inusual crea den protesta na e era di streaming cu ta kita balor di musica, pero cumpra na un subasta na Shkreli, un homber conoci pa aumenta e prijs di un medicamento cu por salba bida y su persona “Pharma Bro” online.
Shrkeli despues a ser obliga bende e album, cual ta inclui un buki di 174 pagina lora den cuero, despues di su condena di fraude den seguridad.
PleasrDAO a bisa cu nan a cumpra e copia fisico di e album y derechonan digital den dos transaccion 2021 y 2024. Nan a bisa cu nan ta compronde cu Shkreli a destrui cualkier resto di e album su documentonan.
“Cualkier plamamento di e album su musica na e publico general ta disminui of grandemente destrui e album su balor y ta causa daño significante na PleasrDAO su reputacion y habilidad di comercialmente explota e album,” e demanda ta declara.
Desde luna pasa, e album tabata na caminda pa Australia su Museum of Old and New Art, cual a bisa cu e tin plan di anfitriona sessionnan priva pa tende e musica cu cierto cancionnan di e album cuminsando e siman aki.
