Empresanan di propiedad publico, vincula cu e sector di materia prima y cu predileccion pa Brasil y Peru. Esey ta e imagen di e empresanan Chines cu interes na America Latino y Caribe, un region cu a converti den e piedra angular di su expansion exterior. Sin embargo, algo ta parce di ta cambiando den nan aproximacion di e region: e apetito pa materia prima, prome cu tur cos petroleo y mineria, ainda siendo significativo, a habri paso poco poco pa un creciente interes pa otro sector productivo, manera infrastructura y servicio, segun e ultimo monitor di e Red Academico di America Latino y Caribe encuanto China, presenta recientemente na Ciudad di Mexico.
E presencia di China den America Latino, den otro tempo mira cu un cierto grado di exotismo, a converti den moneda di cambio habitual den hopi pais den region: di Chile te Mexico, pasando pa Argentina y, prome cu tur, Brasil. E gigante Asiatico a pasa di tin un papel secundario pa ta un actor fundamental pa comprende e dinamicanan economico y comercial di e region. Entre 2010 —tempo cu e fluhonan di inversion a marca nan maximo, gracias na un boeket di fusion y adquisicion vincula na sector petrolero Argentino y Brasileño, den pleno escalada di prijs di materia prima, y 2016, China a inverti cerca di US$ 90.000 miyon den e paisnan di area, casi cuatro vez mas cu den e siete añanan precedente.
Apesar di e slow down hopi reciente “e dinamismo ta sigui siendo maximo,” Samuel Ortiz, profesor di Universidad Autonomo di Mexico (UNAM) y coautor di e estudio, ta subraya. Un bon parti di e desempeño aki por ser atribui na e desempeño positivo di dos sector: E buskeda di materia prima, cu a tuma 65% di e inversionnan Chines y a crea mas di e mita di e empleo relaciona cu e inversionnan aki desde 2001, ta continua siendo un factor relevante. Pero, na medida cu Peking a bin ta fiha su mirada riba paisnan di Asia-Pacífico, den detrimento di America Latino pa provee su mes di mineralnan y otro recurso natural, e dos sectornan a cuminsa gana importancia na marcha forza: aunke e materianan prima ta sigui lidera e tabla di inversionnan Chines den region – casi siete di cada 10 dollar inverti ta bay pa e ambito aki, den e proximo añanan e ekilibrio gradual di forsa entre diferente sector lo ta e nota predominante.
“E boom di materia prima a habri paso pa un interes mas grandi pa infrastructura cu, na su turno, a tira riba e sector terciario. Latinoamerica a converti den un lugar atractivo pa China den e ambitonan aki,” Enrique Dussel Peters, coordinador di e Red Academico di America Latino y Caribe tocante China, y co-autor di e ultimo informe de e entidad aki, encuanto e inversion stranhero directo den e region. Na su huicio, esey ta e cambio mas destaca den tereno di inversion. “China ta busca mercado nobo,” Ortiz ta añadi. “Y na America Latino tin oportunidad grandi,” Dussel Peters ta complementa.
Mayoria di inversion di el gigante Asiatico na America Latino y Caribe ta continua siendo di propiedad publico: entre 2001 y aña pasa, e companianan ey a percura pa 77% di capital inverti y a genera casi siete di cada diez puesto di trabao relaciona cu e inversion stranhero directo Chines. “Nan motivacion ta aleha di e criterio di rentabilidad priva,” Ortiz ta argumenta. Dado cu ta e empresa publico ta inverti masivamente, e profesor di UNAM ta inclina pa pensa cu tin otro factor determinante. “Fundamentalmente, strategianan di desaroyo di corto, mediano y go plazo di e sector publico Chines”, cu, entre otro, ta pasa via e aseguramento di recurso pa futuro, e ta agrega.
E otro caracteristica grandi di e inversion Chines na America Latino ta e concentracion. Solamente nuebe empresa Chines –Sinopec, CNPC, Sinochem, China Three Gorges, MMG, State Grid Corporation of China, Wisco, Cnooc y BCEG– ta suma casi mita di e inversion Chines den ultimo 16 aña; 46% di e inversion Chines total desde principio di siglo. Y tres pais Suramericano –Brasil, Peru y Argentina a ricibi siete de cada 10 dollar inverti pa Peking den e region.
Amplia e ambito geografico di e inversionnan den America Latino y, mas cu tur cos, inverti pa e institucionnan ‘puente’ entre ambos bloque economico por ta mas specialisa, y consecuentemente mas efectivo, ta e dos retonan pendiente di futuro. “E problema grandi ta e debilidad di e institucionnan actual. E funcionario, empresario y academiconan tin tendencia di ta ‘todólogos’. Tanto na China como na America Latino nan mester mantene nan specialisacion; si no, e confusion lo ta cada vez mas frecuente,” Dussel Peters ta conclui..
