Oficina di empresa di construccion Brasilero Odebrecht na Santo Domingo a ser someti na un invasion hudicial pa supuesto delito di soborno di 92 miyon di dollar, cu e empresa Odebrecht a reparti entre funcionario di gobierno di Republica Dominicana.
Un dozijn di polis cu arma di candela tabata alrededor di edificio unda empresa Odebrecht ta funciona, den centro di ciudad di Santo Domingo, mientras fiscalnan tabata interoga ex- funcionario vincula na licitacion di obranan cu e firma aki a gana aki y cu ta den investigacion na e pais Caribeño.
E invasion hudicial (allanamiento) ta parti di un debido proceso den caso di corupcion, despues di un revision di informacion cu a ser entrega pa autoridadnan riba solicitud di Procuraduria General di Republica Dominicana. Hunto cu e informacion ey organismonan di Dominicana a haya tambe otro informacion mediante un trabao di inteligencia, un boletin di Ministerio Publico a publica.
Awor a ser interoga caba Marcelo Hofke, gerente general di e compania na Dominicana.
December cu a pasa Odebrecht a confesa na departamento di husticia di Merca cu a duna 788 miyon di dollar, den delito conoci como soborno na funcionario di 12 pais, cu obhetivo di haya contrato pa traha den obra di infrastructura.
Na Republica Dominicana a firma e contratonan involucra den corupcion entre 2001 y 2014.
Diaranson cu a pasa Procuraduria a interoga ex-funcionario publico, cu a contrata obra pa traha den acuaducto cu a ser desaroya pa Odebrecht.
