AMSTERDAM – Segun dos rapport separa cu a ser publica dialuna ultimo, ta indica cu intimidacion, bullying y sabotahe cientifico ta comun entre personal di universidadnan y colegionan Hulandes.
E prome realisa pa investigadonan di universidad di Radboud den nomber di National Network of Women Professors (LNVH), ta basa riba experencianan di 53 hende muhe universitario academico y a analisa seis tipo di bullying cu ta desde e sabotahe academico, menasanan fisico y sexual, na unda cu muhenan no a ricibi credito pa nan trabou.
Hopi di e muhenan den e rapport no tabata sigur di si e tratamento cu nan ta ricibi por ser considera como bullying, segun e rapport. “Bullying na e academia masha poco ta manifesta como un incidente isola y unico. E participantenan di e investigacion casi nunca a informa tocante di un solo comentario, un solo touch of un colo gesto.
Mas bien , e bullying cu nan ta experencia tabata structural y a dura lunanan, añanan of hasta decadanan”,. E di dos rapport a ser realisa pa sindicato FNV y VAWO, ta basa riba entrevistanan cu 1.110 miembronan di personal universitario, di cual nan aproximadamente tabata personal di apoyo. E rapport a haya cu bullying,exclusion, intimidacion sexual y e abuso di poder ta comun den e 13 universidadnan di e pais.
E personal di investigacion tabata tin mas posibilidad pa enfrenta problemanan cu e trahadonan administrativo. Un total di 29% di e personanan cu a participa na e rapport di sindicato, a bisa cu nan a papia riba nan, cu 44% no a proporciona informacion relevante deliberadamente y 35% a bisa cu nan tabata victima di un lucha di poder. Un tiki menos di tercer a bisa cu nan a wordo intimida pa un persona cu posicion di autoridad.
Plagio
“ Mi trabou a ser plagia pa un profesor y mi a ser bisa pa keda keto tocante di esaki, of mi lo perde mi trabou, un di e encuestadonan a bisa. E asociacion Universitario VNSU a describi e cifranan como impactante y a bisa cu e hallazgonan ta tuma hopi na serio”. “ Nos kier proporciona un ambiente di trabou sigur”, e vocero a bisa.
“ Nos ta ofrece training, nos tin un procedura di keho”, el a bisa. Donald Pechler, presidente di VAWO a bisa cu e dos rapportnan ta marca e cuminsamento di un proceso di consciencia y reconocimento. ‘ E situacionnan aki no mester ser descarta como incidentenan’, El a bisa. ‘ Nos ta spera cu e empleadonan awo lo tuma esaki na serio r creacion di un luga sigur pa traha’.
