Pa via di un upgrade grandi di sistema bancario online, clientenan di Caribbean Mercantile Bank (CMB) lo por experiencia interupcion di servicio te cu 19 di maart.
Nos redaccion a tuma nota cu tin clientenan cu ta hayando dificultad pa por haci uzo di varios servicio di e banco, manera ATM, swipe y servicionan online. Y cu esaki tambe ta stroba negoshi cu ta mira durante e disturbio un perdida di entrada. Asina varios negoshi a informa nos.
CMB ya a anuncia esaki entre otro por medio di avisonan den prensa local. Vocero di e banco a avisa cu frecuentemente te dia 19 di maart, lo por spera problemanan riba e diferente plataformanan bancario, sinembargo e strobacion no lo mester dura mas cu mey ora. Despues di 19 di maart e interupcionnan den servicio lo ta birando menos.
