Ayera Minister di Husticia Andin Bikker a informa cu den cuadro di cooperacionnan internacional e siman aki lo bin bishita di representantenan di Interpol.
Manera Bikker a anuncia, un aña caba a ser institui un servicio cu ta encarga cu siguridad y Cyber Crime, acto y prevencion di terorismo, pero tambe e ekipo di Interpol y cooperacion internacional aki den un mundo cu ta cambia, cu ta evoluciona y cu tin diferente dimension, por ehempel, criminalidad online y asina por uza tur cooperacion na base di igualdad mutuo cu por haya di nan.
Den dimension di Interpol, Bikker a splica cu nan ta explorando con mas por duna contenido na e cooperacion aki, manera cu siman pasa Bikker tabata na Washington y eynan tambe a explora e posibilidad di mas cooperacion cu Merca cu ta e partner mas economico di Aruba.
Tocante esaki, el a comenta cu nan tin diferente acuerdo cu proximamente lo yega na dje y na mesun dimension wak con por haya mas cooperacion internacional.
“Nos ta explorando e posibilidad di presenta cierto aplicacionnan pa e organo Interpol por formalisa e ampliacion di cooperacion aki”, Bikker a declara.
