Di un poblacion di mas o menos 103 mil persona segun internetlivestats na momento di colecta e data, mas cu 81 mil persona na Aruba ta haci uzo di Internet. Rond di mundo e porcentahe di usuario di internet ta rond di 40% di e populacion. E 40% ta representa un cantidad di mas cu 3 biyon persona.
E cantidad di 40% kisas ta mustra tiki, pero teniendo na cuenta cu na aña 1995 e cantidad aki tabata menos cu 1%, asina por mira e crecemento den usuario den 10 aña. Entre añanan 1999 y 2013 ta e periodo cu e cantidad a crece cu 10 biaha mas hopi. E prome biyon usuario a wordo alcansa na 2005, e di dos biyon na 2010 y e di tres biyon na 2014. Tambe mester tene na cuenta cu e partinan na mundo cu ta consisti di paisnan no desaroya completamente, ta netamente paisnan mas grandi na mundo. Segun internet.org 37.9%, di e populacion na mundo ta uza internet por lo menos un biaha pa aña, sinembargo mas cu 90% di e populacion ta biba por lo menos den cercania di un “Mobile network”. E estudio ta indica tambe cu casi 80% di e populacion na mundo por paga pa internet.
Comparacion Aruba
Santo Domingo tin un poblacion riba 10 miyon y mas o menos 5 miyon ta haci uzo di internet. Asina por haci e comparacion cu Aruba unda grandi mayoria di e poblacion ta haci uzo di internet y ta keda mas o menos 20 mil cu no ta.
Asia cu ta e parti mas grandi di punto cu ta haci uzo ta internet ta yega mas o menos 1.3 biyon cu ta igual na 48,4% di e totalidad. Den 2014 casi 75% (2.1 biyon) di tur usuario di internet rond mundo, ta biba den e paisnan cu ta den e top 20 nan. E resto 25 porciento (0.7 biyon) ta distribui entre 178 otro paisnan, cada un representando menos cu 1% di e total di usuario.
China, e pais cu tin mas usuario, mas o menos 642 miyon den 2014, ta representa casi 22% di e total y tin mas usuario cu Merca, India y Hapon hunto. Entre e tres paisnan aki, India ta esun cu tin menos usuario. Pa tin un miho bista, Merca, Alemania, Francia, U.K., y Canada tin e penetracion di internet mas halto, riba 80% di e populacion tin conexion di internet.
Un usuario di internet ta wordo defini como un individual cu tin acceso na internet, na cas, riba un computer of riba un celular. Internet ta wordo defini como un “world-wide computer network cu por tin acceso via computer, telefon celular, weganan, television entre otro.
