(NLTimes) – E tasa di interes riba prestamo di studiante no ta bay baha den proximo añanan. Tweede Kamer a faya e fecha poni pa Ministerio di Educacion pa logra un reduccion den e tasa di interes prome cu 2027. Ademas, awo tin duda den parlamento si un reduccion den e tasa di interes ta e manera corecto pa compensa ex-studiantenan cu a cay bao sistema di prestamo, De Telegraaf a reporta.
Tiki prome cu eleccion, mayoria den antiguo Tweede Kamer a exigi pa reduci e tasa di interes riba prestamo di studiante. Lider di NSC, Pieter Omtzigt a propone pa gobierno paga pa e medida aki door di corta e beneficio di 30 porciento di impuesto di expats, y un mayoria parlamentario a sostene e mocion. Awo cu companianan internacional ta menasa di bandona Hulanda, e gabinete ta duda di e reduccion di impuesto aki. NSC awo tambe tin duda riba corta e tasa di interes riba prestamo di studiante, segun e corant.
Na januari, minister di Educacion, Robbert Dijkgraaf a manda Tweede Kamer un lista di opcion pa compensa studiantenan cu a cay bao sistema di prestamo. Gobierno lo por reduci tasa di interes levemente, implementa un limite di tasa di interes, of introduci un uitkering pa e studiantenan afecta. Cualkier di e medidanan aki lo tuma su tempo pa implementa. Ahustando e tasa di interes riba prestamo di studiante ta rekeri un amienda na e reglanan di reembolso, y ademas, un cambio di ley.
“Anteriormente nos a indica cu nos mester sa pa fin di februari 2024 a mas tardar ki opcion e Kamer lo scoge pa asina yega na un medida cu por implementa pa 2026 lo mas trempan. E deadline aki awo a pasa caba,” un vocero di minister Dijkgraaf a bisa De Telegraaf. “Manera a nota anteriormente, e iniciativa ta keda na e Kamer. Nos mester warda y mira kico e Kamer ta bay trece.”
E pregunta awo ta si e Kamer ta bay sugeri un reduccion di tasa di interes. Omtzigt a inicia e reduccion den tasa di interes, pero su partido awo lo prefera di mira di aumenta e compensacion pa e grupo cu a cay bao sistema di prestamo, parlamentario di NSC, Rosanne Hertzberger a bisa e corant. Dijkgraaf a menciona e opcion aki den un footnote di su carta como un “posibilidad teoretico”. Sinembargo, el a insisti cu e ministerio no tin e placa pa esaki, y Raad van State tin reserva legal.
