WEB Aruba ta haci un apelacion na comunidad di Pos Chiquito, Savaneta y San Nicolas pa notifica ora ripara algun iregularidad cu cabel di coriente den e trayecto di Santo Largo te cu e substation di coriente na San Nicolas. Ta asina cu actualmente WEB ta encontra contratiempo den reemplazo di e red di cabel di coriente cu ta core di Balashi pa Refineria. Siman pasa a descubri cu desconocinan a corta e cabelnan di aluminio canto di e trayecto. Ta sospecha cu personanan kier a horta pidanan di e cabel pero no a logra esaki.
WEB Aruba actualmente ta traha riba un proyecto pa reemplaza e red di cabel di coriente cu ta core di WEB na Balashi pa refineria Valero. E red di cabel ta di aluminio y ta suministra coriente na districto San Nicolas, refineria y windpark Vader Piet y pues ta un red di suma importancia pa e barionan menciona. E kabelnan aki ta di aluminiuim y por wordo utilisa solamente door di companianan di utilidad. WEB ta haci un apelacion na habitantenan pa notifica WEB en caso cu ripara algun iregularidad na sitionan.
Por yama Call Center di WEB na tel. 525-4200 durante ora di trabou, pero tambe central di WEB na 525- 4600 despues di ora di trabou.
