Diabierna mainta pa 6:07 central di polis ta manda un patruya pabao di ex bushiri hotel pa un caso di intento di violacion.
Na yegada di e patruya, nan a topa cu un dama cu ta declara cu e ta tabata coriendo ora diripiente un homber a atak’e. E sospechoso a purba haci un intento di violacion pero e dama a logra scapa segun informacion di Cuerpo Policial.
E homber a menasa e dama cu un arma di candela y un schroefdraaier, segun su declaracion na Polis. E la sigui conta cu e homber a mishi cu ne pero no a logra viol’e.
E la logra hui di e homber y logra para un autobus cu tabata pasando na e momentonan ey. E discripcion di e sospechoso ta color di cuero lichtbruin, estatura mas o menos di 1.65 , e tabata tin cara tapa, e tabata bisti cu un bodyshirt y un short color cla. E caso ta bao investigacion. Ken cu por a wak algo por yama tiplijn di polis 11141.
