Den nos era digital esnan cu por traha y skirbi den diferente lenga di codigo di software ta un cos masha scars mes. E scarsedad aki ta hisa e prijs di tur cos cu ta basa riba software. Den e articulo aki nos lo toca e topico di tur e hermentnan Open-Source di AI cu tin awo pa locual ta programming. Pa asina nos amplia full e base digital di Aruba y pa full pueblo na un prijs hopi abao of casi por nada.
DeepSeekCoder
Den un publicacion oficial cientifico un grupo di expertonan di AI a release un programa yama “DeepSeekCorder” (Referentie: DeepSeek-Coder: When the Large Language Model Meets Programming — The Rise of Code Intelligence). Esaki ta un AI super potente pa locual ta programa codigo di software. E por codeer den entre otro, JavaScript, Python, Java y C#. DeepSeekCoder ta outperform tur otro AI pa locual ta codeer y esaki por forma un herment masha potente mes pa Arubianonan cu kier traha software di tur tipo pero simplemente no tin e recursonan pa paga full un team di developers.
Design2Code
Design2Code ta un software Open-Source di AI traha conhuntamente cu Stanford y Georgia Tech (Referentie: Design2Code: How Far Are We From Automating Front-End Engineering?). E herment aki por literalmente coy cualkier diseño di un website incluso sketches, wireframes, Figma, XD, etc. y converti esaki automaticamente den HTML/CSS/JS code. Antes pa diseña un website bunita tabata algo cu ta costa hopi tempo y fondo. Awo e ta casi gratis danki na Design2Code.
OpenAgents
Tin masha hopi herment ya caba open-source manera nos a mustra den diferente articulo, hopi di hermentnan aki ta usa “APIs” como nan base pa traha y funciona. Awo nos ta presenta OpenAgents (Referentie: OpenAgents: An Open Platform for Language Agents in the Wild), un set di herment cu posibilidadnan masha grandi mes. Na prome luga tin “Plugins Agent” cu ta duna acceso na mas cu 200 difente plug-in di tur sorto di ramonan di software. Tambe tin “Data Agent” cu por automatisa un parti hopi grandi di analisis di data usando Python y SQL.
En fin nos por conclui cu e hermentnan aki cu nos a papia cortico over ta en berdad “un game changer” sumamente grandi pa full e base di codigo di software. Atrobe ta enfatisa cu tur e hermentnan aki ta gratis y full open-source. Dus full pueblo di Aruba tin acceso na esaki. Cu e tools di AI aki nos por revoluciona e base economico di Aruba y asina baha prijs di full e fundeshi di software di Aruba.
