Den e articulo aki nos lo toca e hermentnan mas sofistica di Inteligencia Artificial y e-Health pa instancianan manera bao di “Tweede Lijn” manera Hospital of SABA. Cu e hermentnan avansa aki nos por baha gastonan den un manera directo pa fondo di AZV y spaar masha hopi sufrimento humano cu ta bin door di malesa.
MediTron 70B: Open-Source Medical AI LLM;
Prome nos cuminsa papia over sistemanan di AI cual mester paga pe, ban toca e tema di Open-Source Medical AI LLMs. Meditron 70B ta un open-source AI LLM cu a wordo getrain riba miles di richtlijnen, documento medico, abstracto medico y textonan general di medicina.
MED1
Usando e database di testnan medico oficial cu dokter humano na Estados Unidos mester pasa prome cu nan cuminsa practica, nos ta wak cu MediTron tin un score di 70.2%. Pa compara un dokter humano averahe ta score solamente 62% riba USMLE. Dus siguramente e sistema no lo ta mas malo cu un dokter humano den su trabao.
Nos mester bisa cu un Systema manera MediTron ta basa riba lenguahe Ingles, dus lo mester traha un software prome cu por traduci Papiamento pa Ingles pa usa e sistema gratis di MediTron. Si esaki a tuma luga un sistema manera MediTron lo ta perfecto pa automatisa e “Triage Medico”, esta na Eerste Hulp of na Dokter di Cas, pa wak cua casonan medico di patient ta severo y ta rekeri ayudo urgente.
Sistema di Inteligencia Artificial pa Salubridad
MED2
Den un articulo pa e revista renombra di Nature, Benjamens et al. 2020, a traha un database full open pa pueblo di tur e sistemanan di Inteligencia Artificial pa Salubridad cu completo aprobacion door di Merca su instancia medico, esta “FDA”.
E paper aki su informacion ta pa lo siguente:
Benjamens, S., Dhunnoo, P. & Meskó, B. The state of artificial intelligence-based FDA-approved medical devices and algorithms: an online database. npj Digit. Med. 3, 118 (2020). https://doi.org/10.1038/s41746-020-00324-0
E database di e hermentnan di Inteligencia Artificial cu aprobacion di FDA por wordo bishita na e siguiente link:
https://medicalfuturist.com/fda-approved-ai-based-algorithms/
Nos ta wak cu tin mas cu 50 herment di AI pa por kies di dje, principalmente den ramo di Radiologia, Patologia, Cardiologia y Neurologia. Dus tin posibilidadnan sumamente grandi a no solamente yuda cu e escasez na dokter cu tin na Aruba pero tambe pa hisa e calidad di cuido medico pa e habitantenan di nos isla.
Tools e-Health
Den un articulo cu a sali e Anja aki den revista Nature, Chen et al 2023, ta papia uigebreid over e posibilidadnan grandi di uso di e-Health sensor di mas nobo y ta duna un base pa un sistema full automatisa usando e sensornan aki.
MED 4
E informaccion di e paper aki ta lo siguente:
Chen, C., Ding, S. & Wang, J. Digital health for aging populations. Nat Med 29, 1623–1630 (2023). https://doi.org/10.1038/s41591-023-02391-8
Den e paper ta duna full overzicht di sensor cu por midi basicamente tur cos di un patient 24/7, y esaki hunto cu Inteligencia artificial y dokternan humano por wordo usa pa e berdad crea un sistema di Salubridad preventivo pa esnan b.v. grandi di edad of cu ta den Hospital caba.
MED 3
En berdad tin masha hopi speransa mes danki na innovacion pa e sistema di Salubridad di Aruba. E ta mi speransa cu dokternan, specialistanan y gerencia di Hospital y SABA cuminsa haci uso di e hermentnan aki mas pronto cu ta posibel pa asina brinda alivio den sufrimento humano y den fondonan di AZV.
