(NLTimes) – Netherlands Forensic Institute (NFI) ta trahando riba varios manera pa detecta steganografia, cual ta un manera den cual criminalnan por intercambia informacion via imagennan digital y videonan.
Uni den e proyecto Uncover, NFI y otro servicionan di investigacion Europeo y companianan ta purbando di yega na maneranan pa detecta, por ehempel, un codigo secreto den e colornan di un potret digital cu ta mustra unda droganan ta scondi, NOS a reporta.
Meike Kombrink di NFI a describi steganografia como un mescla di arte y ciencia. “E ta arte pa motibo cu e ta creativo, y e ta ciencia pa motibo cu bo mester sa con pa sconde esaki den un imagen of video digital. Bo mester compronde con nan ta traha,” el a splica NOS. Diferente na e comunicacion usando telefonnan protegi, steganografia no solamente ta sconde e contenido di e mensahe, sino henter e existencia di e mensahe secreto aki.
Den e proyecto Uncover, NFI y su partnernan Europeo lo inverti den un sistema automatisa cu por reconoce steganografia. “Un paso real y directo mester ser tuma den e deteccion,” Kombrink a bisa. “Nos mester sigura cu nos por mantene nos na mesun nivel di e criminalnan.”
Steganografia no ta nobo. Den e di dos Guera Mundial, ambos Alemannan y e aliadonan a desaroya codigonan y a purba di haya e miho ink invisibel. E grupo terorista al-Qaida tambe aparentemente a haci uso di steganografia pa comunica den e preparacion di e atakenan di 11 di september den aña 2001.
