(NLTimes) – Un inspector di 47 aña di edad di e unidad nacional di e cuerpo policial Hulandes a ser aresta riba diabierna pa causa di sospecha di a kibra reglanan di confidencialidad y di a participa den un organisacion criminal.
El a keda aresta pa Rijksrecherche, un cuerpo independiente bao di e Public Prosecution Service (OM), cual ta investiga criminalidad dentro di e gobierno.
E persona aki a revela informacion grandemente confidencial na un organisacion criminal, OM a conta. El a ser retira for di su puesto desde mei aña pasa.
Rijksrecherche ta investigacion acusacionnan contra di e oficial. El a ser laga den libertad despues di a ser interoga riba diabierna, cu mas investigacion den su contra pendiente.
El a traha como lider di e ekipo na Dienst Special Operaties, cual ta lidia cu e casonan clandestino, segun Gerrit van de Kamp, president di union di polis ACP. Den su rol, Van de Kamp tin conocemento di operacionnan clandestino di cuerpo policial y e lider di ACP ta yama e aresto aki y acusacionnan “un shock enorme.”
“E ta absolutamente inaceptabel. Esaki no ta un caso chikito. Nos ta papiando di e operacionnan mas confidencial cu nos ta haci, di cual awo e criminalnan ta altanto,” Van de Kamp a bisa. “No tin palabra pa por describi esaki y e ta algo sumamente serio.” El a agrega cu e investigacion te ainda ta tumando luga y mester continua te cu esaki ser completa.
E acusacionnan segun Xander Simonis, ken ta president di e union di polis ANPV, ta hopi solido. “Mi ta sinti malo cu e tipo di publicacionnan aki y despues mi ta puntra mi mes kico ta atrae mi coleganan di e mundo criminal y pa ki motibo nan ta comete e crimennan aki? Nos ta papiando di un inspector cu tabata hefe, pero e mester ser trata internamente y criminalmente di mesun manera cu otro coleganan cu a ser sospecha di ofensanan criminal.”
