(NLTimes)—Casi 150.000 hogar ta den angustia financiero tur aña, pasobra nan mester paga nan beneficio back cu cual nan ta paga pa cuido di salud, huur y otro beneficionan, segun Bart Snels den un entrevista cu Trouw publica dialuna. Oficialnan cu ta implementa e politica no ta e problema, segun el a bisa. Nan ta traha duro y ta purba pa “haci loke ta corecto.” E problema ta e sistema mes.
P’esey mester aboli e sistema mas pronto posibel, Snels a bisa. E ta un inspector general independiente na e inspectorado pa impuesto, beneficio y aduana. Ademas e ta un ex-parlamentario di partido GroenLinks.
“Nos ta pidi cosnan imposibel di hende, y a pone tur riesgo financiero den man di ciudadano. Nos ta afecta e seguridad social di hende cu e beneficionan,” el a declara. El a señala cu tin un cantidad “hopi halto” di recuperacion di beneficio cu ta pasa tur dia, “pasobra hende no a reporta algo na tempo, cual nan mester a haci: pasobra algo a cambia den nan salario of e composicion di nan hogar.”
Cabinet Hulandes a apunta Snels na cuminsamento di aña pasa. A establece e inspectorado unda e ta traha despues di e scandal di e oficina di impuesto pa cu beneficio, cual ta un asunto cu a causa e retiro di e cabinet anterior. E problema cu e sistema di beneficio ta cu tin e expectativa cu hende por pronostica si algo ta bay cambia den nan hogar den e aña binidero,” Snels a splica.
“Pero bo no lo sa si bo ta bay divorcia, cuminsa biba hunto cu bo pareha, of si un pareha muri. Bo no sa si un di bo yiunan ta bin biba na cas back, of ta cuminsa traha y pues tin nan mesun salario. Pero tur a cambionan ey tin consecuencia directo pa e derecho pa beneficio.” Cualkier hende cu no ta informa autoridadnan di e cambionan aki na tempo ta bay haya carta di gobierno demandando pa paga e beneficio back.
“Ta importante pa hende no perde den sistemanan complica of mester deal cu reembolso halto,” segun un vocero pa Aukje de Vries, ken ta Secretaria di Estado pa politica di beneficio. De Vried a expresa den pasado e ambicion pa reemplasa e sistema di beneficio cu un sistema nobo.
Ainda e ta trahando riba e plannan pa esaki y ta bay manda esaki na Tweede Kamer prome cu zomervakantie.
