Actualmente Insel Air tin solamente un avion den operacion , y esaki tin un costo di 500 mil florin mensual.Segun e director ehecutivo actual di Insel Air Lars de Brabander, ta bisa cu nan ta cortando den gastonan di operacion.
E director a duna di conoce cu Insel Air a baha nan gastonan di personal di 1.2 miyon pa 500 mil florin y nan ta operando hopi bon asina aki.
InterCaribbean ya ta puntrando preguntanan di e proceso primario den Insel Air y nan ta partisipando indirect den decisionnan operacional via consehonan tecnico, segun Brabander. Tambe el a admiti cu e problema di suficiente likides ta un confrontacion organisatorio diario na Insel Air. E problema mas grandi di Insel ta acumulacion di pagonan, mientras nan ta den posponemento di pago auspicia pa un Curator. Corte no por proteha Insel Air riba pagonan pafo di e acordacion di creditornan. Uno di nan sigur lo ta CAP, cu ya ta registra na 4.7 miyon dollar na debe.
Segun minister Steven Martina, maneho di InterCaribbean lo t’ey e siman aki pa papia. Sin likides, Insel Air no t’ey yega 15 di januari. Den e huicio sumario curator a exigi di Intercaribbean pa 1. Pago di 11.5 miyon dollar. 2. 100 mil dollar pa cada dia nan no pone e avionnan priminti disponibel. 3. Pa final di januari 2019, finalisa e traspaso di accion. Hues a rechasa tur e 3 peticion nan y duna un multa di 500 mil dollar pa InterCaribbean cumpli.
Segun corte, no tin un tempo defini den ley pa stipula posponemento huridico di pago, pero corte ta sugeri pa yega na un solucion intermediario. E discusion huridico tecnico lo bira cu no por bini cu niun areglo nobo si e tempo defini pa corte surpasa. Den otro palabra, corte ta desea na mantene e actual acuerdo mas tanto posibel, vigente. Algo dificil, mirando e interes abou di InterCaribbean, pa locual ta trata e reunion di creditornan. Tanto den corte civil come reunion di creditornan, a cuestiona e interes di Intercaribbean. Segun Ettiene Ys, tin interes.
