Den nos delaster columna nos a discuti e concepto di un health scan di full e poblacion adulto di Aruba. Awo nos lo bay un stap mas leu. Usando tecnologianan di mas nobo di Sensornan y Inteligencia Artificial ya caba ta posible pa gruponan di pacient cu riesgo halto tin cuido di salud “Real-Time Personalized & Predictive”. Esta Salubridad live, 24/7, ademas full personalisa y te hasta voorspellend/preventivo.

E sistemanan aki por wordo implementa den casi tur setting medico, for di contexto di Dokter di Cas, pa Ambulance, Hospital, Intensive Care Unit. Den varios specialisacion manera Cardiologo, Neurologia, Oogheelkunde. E siguiente lista ta duna 5 ehempel unda Sensornan & AI a wordo usa pa baha gastonan medico. Na fin di e articulo tin e lista di referencianan academico.

Electrode Huebs for Oral Area’s in the United States. (1)

eHealth for Lowering Blood Pressure in High Volume pacient Settings (2)

Digital Inhaler Adherence Technologies for Difficult-to-Treat Asthma in Children. (3)

TeleCare for Complex Post-Traumatic Stress Disorder patients in Rural Area’s. (1)

AI in Ophthalmology (4)

AI in Intensive Care Units (ICUs) (5)

Manera por wak di e lista ta varios specialisacion y den hopi diferente contexto e tecnologianan aki a wordo mustra pa baha gastonan den un sistema di Salubridad.

Pero nos kier duna un ehempel concreto den setting di Aruba:
 Tin un persona di 57 aña, cual den e populatie scan gratis di salud a mustra cu e tin un riesgo grandi pa haya un ataca di curason. Dor esaki e persona aki ta haya sensornan special di ECG, heart-rate y presion cu ta midi tur esaki 24 ora pa dia. E sistema ta conecta direct cu Inteligencia Artificial y Hospital. Un dia e AI ta nota cu segun e patronchi di data cu den 72 ora e persona lo probablemente sufri un ataca di curason. E persona, ambulance y specialista ta haya un señal di esaki. Ambulance ta busca e pacient y hib’e hospital, unda eta haya un catherisatie preventivo.

Den e ehempel aki nos a ilustra con un sistema di sensor y AI por preveni un ataca di curason. Asina spaar gastonan enorme, pero mas importante e sufrimento humano masivo cu un atake di curason ta trece cune pa pacient y famia.

Awo imagina nos por preveni un cantidad enorme di emergencia manera stroke, atake di curason, nierfalen y episodionan psikiatrico cu e tecnologianan menciona. E impacto lo ta masivo mes pa henter comunidad. Lo tin menos gasto direct pa AZV, e lo alivia e presion riba trahadornan di sector di Salubridad, e lo spaar hopi di sufrimento humano masivo y lo hisa productividad den economia en general.

Den otro siman su columna nos lo papia over “Smart Hospitals y Care Homes”.
Unda full un Hospital of Cas di Adulto Mayor tin sensor, AI, Telemedicine y te hasta Robot.
Dus keda pendiente pa e columna aki.

Referencianan

J Int Soc Telemed eHealth 2016;4:e21)

European Journal of Preventive Cardiology. 2020;0(0). doi:10.1177/2047487320957170)

J Allergy Clin Immunol Pract. 2023 Oct;11(10):3064-3073.e15. doi: 10.1016/j.jaip.2023.06.051.

Asia-Pacific Journal of Ophthalmology, 10, 317-327. https://doi.org/10.1097/APO.0000000000000406)

Value in Health, 25, 359-367.https://doi.org/10.1016/j.jval.2021.06.018)