Mediante un comunicado di prensa, minister demisionario di Turismo, Dangui Oduber a anuncia e inicio di un proyecto di restructuracion di area di Alto Vista. Segun e comunicado, e proyecto ta bay embeyece y crea un miho structura pa e area di Alto Vista.
E proyecto aki ta yega “despues di hopi tempo di dialogo, preparacion y proceso di destaho hunto cu Comision Alto Vista,” segun e comunicado. Ademas ta indica cu e vision tras di e proyecto ta pa organisa y mantene e area en cuestion “cu trankilidad y paz pa tur cu ta bishita y haci oracion na e Kapel di Alto Vista.”
E proyecto ta encera pa implementa ta lo siguiente:
• Percura pa amplia e espacio di parkeo y lo tin un area aloca special pa parkeo, cual diseño lo ta uno den forma natural.
• Lo bay tin borchi indicando reglanan estricto pa personanan duna respet, manera no zonido duro, guia di vestuario apropia.
• Ta bay agrega un hardin cu flora local panort di Kapel den colaboracion cu fundacion local.
Mi kier a duna un aprecio y gradicimento na nos departamento di obra publico pa diseña y encamina e proceso di destaho publico, pero mas en special na e Comision di Alto Vista, pa a conseha y guia den e proyecto.
