Den un investigacion recien riba e problematica di adolescente na Hulanda Caribense, e importancia di posibilidad pa acogida di hobennan vulnerabel ta bin dilanti. Particularmente e combinacion di alohamento cu guia adicional ta importante pa por dal e paso pa adulto. P’esei Cuido y Hubentud Hulanda Caribense (ZJCN), riba 15 di maart ta start un proyecto piloto di dos aña Biba cu guia.
E proyecto piloto Biba cu Guia (Begeleid Wonen) ta pa hobennan di 16 te cu 23 aña na Boneiro, Saba y Sint Eustatius, cu pa tempo largo ta den un trayecto di yudansa cerca Cuido pa Hoben y cu mester dal un siguiente paso pa bira mas independiente. E hobennan aki no por bay cas bek, pa motibo cu e situacion na cas, no obstante cu a haci uzo di yudansa pa largo tempo, no ta cambia.
Guia intensivo
Hobennan den e facilidad biba cu guia ta haya un trayecto di entrenamento den fase y intensivo pa siña biba riba nan mes. E trayecto aki ta cuadra cu e yudansa existente di Cuido pa Hoben. Basa riba un plan di crecemento personal e hobennan den e facilidad di biba cu guia ta pasa tres fase. Cada fase conoce metanan educativo personal cu ta cuadra cu e grado di independencia di e hoben. Segun e tres fasenan ta progresa, independencia di e hobennan ta aumenta y e guia lo bira menos intensivo. E guia ta dirigi entre otro riba ampliacion di e capacidad pa para riba propio pia, independencia, cuido propio y siña habilidad nan social relacional y practico. Meta di biba cu guia ta, pa hobennan den di dos aña ta apto pa nan mes duna direccion independientemente na nan bida.
Regiline Sambo, lider di team di Cuido di Hoben na Cuido y Hubentud Hulanda Caribense (ZJCN): “E facilidad nobo di biba cu guia lo bay amplia e oportunidadnan den futuro pa un gran cantidad di hoben di Boneiro, Saba y Sint Eustatius.”
Alohamento y circulacion
E proyecto piloto di dos aña ta cuminsa 15 di maart 2021. E facilidad di biba cu guia ta aloha den un compleho di apartamento na Caya Sabana na Boneiro. Na e momentonan aki ta evaluando hunto cu cooperativa di vivienda Fundacion Cas Boneriano (FCB), si por construi un edificio nobo, unda por sigui di forma structural cu e proyecto di biba cu guia. Banda di esey FCB ta investiga si por pone casnan di huur social na disposicion di hobennan cu finalisa e trayecto di biba cu guia cu exito, di manera cu por garantisa cu tin circulacion di e hobennan.
