Dialuna atardi Prome Minister Mike Eman a pone a prome piedra pa asina duna inicio na e construccion di MFA Santa Cruz, cual lo bira e di 4 Facilidad Multifuncional pa duna servicio na publico.
E arkitecto Arubano Gisbertho Figaroa a diseña e edificio, y BIC Aruba N.V. lo ta encarga cu e construccion, bou supervision di Michael Croes di DOW.
Ora cu construccion di e facilidad termina, cual ta programa pa maart 2018, y e ta den funcion, e Gerente General lo ta Fernando ‘Nando’ Kelly y Assistent Gerente General lo ta Andres “Modechi’ Werleman.
E edificio aki lo acomoda, banda di Oficina Auxiliar di Gobierno, un sucursal di Servicio di Impuesto, sala di curso/ reunion, Bibliotheek y cafetaria.
MFA Santa Cruz tin espacio pa huur, p’esey Oficina di Maneho di MFA ta den deliberacion y negociacion cu diferente instancia y individuo, pero ainda no tin niun acuerdo concreto.
