LONDON – Inglaterra a bisa diahuebs cu tin un posibilidad hopi grandi cu ta ISIS ta responsabel pa e atake sospechoso di bomb riba e avion di Rusia cu tabata bulandi riba e Sinai Peninsula y a mata 224 hende.
E topico ta sensitivo pa Rusia, paso su avionnan di guerra a wordo lansa ultimo tempo pa bringa contra ISIS den Syria y pa Egypte tambe, cu ta depende hopi riba turismo como nan entrada. Ora a puntra si e ta pensa cu ISIS ta responsabel, e “Foreign Secretary” Philip Hammond a bisa: “ISIL-Sinai a tuma responsabilidad pa e avion Rusiano, nan a hasi esaki mesora despues cu e la cay. Nos a wak na tur e informacion, incluyendo e remarca ey, pero claro tin hopi otro informacion pa tuma na cuenta, y a conclui cu tin un posibilidad grandi eyora” e la bisa riba Sky Television. Prome Minister, David Cameron a bisa cu tin mas chens cu tabata un bomb. “Nos no por bisa cu siguridad ainda cu e avion a cay pa motibo di un bomb di terorista (ISIS), pero ta parse mas y mas cu esey ta e caso si.” Cameron a bisa.
Merca y Europa su fuenta nan di seguridad ta bisa cu e evidencia ta punta dede cu ta un bomb a wordo planta pa e grupo di ISIS cu ta na Egypte pero ta afilia cu ISIS mes na Syria, tabata e motibo pa e avion cay. Pero nan kier hasi duidelijk cu no tin un conclusion final ainda. Inglaterra, Ierland y Hulanda a prohibi vuelo nan pa Sharm al-Sheikh, caminda cu e vuelo tabata saliendo fe dje, y Alemania ta urgi viajeronan pa evita e Sinai Peninsula. Dmitry Peskov, un “spokesman” pa Presidente Vladimir Putin, a bisa cu avionnan di Rusia ta bulando ainda pa Sharm al-Sheikh. “Theorianan di loke a pasa y kiko ta e causa por wordo proba solamente despues di un investigacion profundo”, Peskov a bisa. “Y te ainda nos no a tende nada asina fe e investigacion. Cualkier noticianan asina ta basa riba informacion cu no a wordo averigua of speculacion.”
