Te cu aña pasa varios pais na Europa tabata observa cu e casonan di meningitits tabata sigui aumenta. Pa e motibo aki varios pais Europeo a cuminsa integra e vacuna di meningitis den nan programa di vacunacion. Despues di esaki por a observa cu e casonan a cuminsa baha. Meningitis ta un infeccion di e capa fini rond di e celebro (hersenvlies) cu ta wordo ocasiona door di e bacteria Meningokokken, cu ta keda den aire despues cu un persona infecta nister of tosa. Un persona cu Meningitis ta experencia keintura halto, dolor di cabes, sacamento, nek stijf y sensibilidad pa luz y/of zonido. Sin cuido medico urgente y optimal Meningitis ta causa morto hopi rapido.
E vacuna contra Meningokokken ta pa hobennan entre 13-18, cu ta esunnan cu mas ta keda afecta. Siguiendo e desaroyonan aki na Europa di cerca y mirando cu pronto hopi di nos studiantenan lo ta biahando pa Europa pa sigui cu nan estudio, Departamento di Salud Publico ta conseha pa e studiantenan cu ta bay studia pa tuma precaucion y vacuna contra Meningokokken. E vacuna aki ta obtenibel na Departamento di Salud Publico Seccion di Malesanan Contagioso pa 15,- y ta consisti di 1 dosis so. Orario di oficina ta di 8 – 12.00 y 2 – 4.30 pm. Pa mas informacion por tuma contacto cu Seccion di Malesanan Contagioso na 5224200.
comunicado: Despa
