Den un sistema democratico, tur persona tin derecho di pidi y ricibi informacion cu ta permiti participa den asuntonan politico y asina monitoria actonan di Estado pa sigura cu gestion publico ta transparente y responsabel y logra cu su accionnan lo coresponde na necesidadnan di e poblacion.
Gobierno tin e deber di informa Pueblo activamente tocante su maneho, pa e motibo aki ayera minister di Integridad, Naturalesa, Transporte y Asuntonan di Adulto Mayor Ursell Arends a anuncia e proyecto piloto www.publico.aw un bon iniciativa mirando cu pa hopi biaha, prensa ta haci preguntanan tanto pa mandatarionan, parlamentarionan y hasta directornan di departamentonan pa informa pueblo debidamente pero, poco biaha por haya contesta.
“Pa realisa un maneho nobo di transparencia, Ministerio di Integridad ta lansa e proyecto piloto www.publico.aw unda actualmente por haya informacion di Ministerio Integridad, Naturalesa, Transporte y Asuntonan di Adulto Mayor como por ehemplo, departamentonan, organisacion, funcion cu tin, edificionan cu ta ser usa pa huur y cuanto gastonan nan ta, ademas di rapportnan cu pa hopi biaha pueblo sa di nan pero nan no ta accesibel, entre otro, cu nos lo keda amplia e cantidad di informacion y nos lo inclui informacion di otro ministerionan den futuro,” segun Carlos Guiamo ken ta fungi como Legal & Policy Advisor di e ministerionan aki a señala.
E proyecto aki ta bao maneho di bureau di minister Arends cu tambe den cooperacion cu otro departamentonan ta busca e “manera mas eficiente” pa informacion keda mustra na un forma structural.
Pa esaki, redactor di Bon Dia Aruba a tira un bista riba e website na unda por a mira e cantidad di edificionan cu e ministerio aki ta encarga di dje, por ehemplo, nan tin 10 edificio eigendom y huur, comparti entre Bureau City Inspector, Bureau Integriteit Aruba, Departamento Transporte Publico, Directie Natuur en Milieu, Directie Scheepvaart Aruba y Inspectie Beveiliging Scheep- en Luchtvaart.
E gastonan pa luna di huurmento di edificionan aki ta ekivalente na 56.993.42 florin
Rapportnan di ministerio tambe ta publico como por ehemplo, National Integrity System Assessment e cual ta basa den e Topico di Integridad y a ser realisa na Aña 2022, Public Transportation Demand and Supply – Delivering Service? Basa riba e topico di Transporte y a ser realisa na aña 2022 y Coral Reefs Baseline Study for Aruba e famoso rapport di Carmabi di aña 2019.
Pa loke ta trata personal, e personal di ministerio ta componi di 166 hende y 85 funcion comparti entre e departamentonan di ministerio y vaste pensioengerechtigde dienst, arbeidscontract obv bedongen arbeidsvoorwaarden, arbeidscontract obv ambtelijke voorwaarden voor bepaalde tijd, tijdelijke dienst y politieke ambtsdrager.
Tocante e proyectonan di ley, a publica Ontwerp-landsverordening corporate governance publieke- en semipublieke sector cu status di VOORBEREIDINGSFASE cu e siguiente documentonan:
Proeve Ontwerp-landsverordening corporate governance publieke en semipublieke sector
Memorie van Toelichting Proeve Ontwerp-landsverordening corporate governance
Leidraad Consultatie Corporate Governance 2022
Code Corporate Governance cu status VOORBEREIDINGSFASE e cual ta contene e siguiente documentonan:
Concept Code Corporate Goverance
Concept Nota van Toelichting Code Corporate Goverance
Leidraad Consultatie Corporate Governance 2022
Landsbesluit, houdende algemene maatregelen, van 5 december 2022 tot wijziging van het Landsbesluit personenvervoer (AB 1997 no. GT 4) (nieuw tarievenstelsel kleine autobussen) cu status IN WERKING GETREDEN e cual ta contene e siguiente documentonan:
Ontwerp – Nieuw tarievenstelsel kleine autobussen (2022)
Nota van toelichting – Nieuw tarievenstelsel kleine autobussen (2022)
Advies (Raad van Advies) – Nieuw tarievenstelsel kleine autobussen (2022)
Nader rapport – Nieuw tarievenstelsel kleine autobussen (2022)
Afkondigingsblad: AB 2022 no. 151 – Nieuw tarievenstelsel kleine autobussen (2022)
Landsverordening erkenning van de rechten van de natuur cu status VOORBEREIDINGSFASE e cual ainda no tin documentonan disponibel, igualmente cu Regelgeving inzake invoering vergunningsstelsel onderwaterjachtmiddelen (spearfishing) cu status VOORBEREIDINGSFASE cu te ainda tampoco tin documentonan disponibel.
Ademas, maneho riba e parti di Gedragscode voor Ministers cu fecha november 2023 di e topico Integridad gubernamental cu e documento:
gedragscode_voor_ministers_-_november_2023.pdf
Nota Publico.aw cu fecha november 2023 di e topico Integridad gubernamental cu e documento:
nota_publico.aw_-_november_2023.pdf
Nota Beantwoording Statenvragen cu fecha september 2023 cu e topico Integridad gubernamental y e documento:
nota_beantwoording_statenvragen_-_september_2023.pdf
Nota Periodieke sessies over bestuurlijke integriteit in de Ministerraad cu fecha juli 2023 y e topico Integridad gubernamental cu e documento:
nota_periodieke_sessies_over_bestuurlijke_integriteit_in_de_ministerraad_-_juli_2023.pdf
Richtlijnen voor het aangaan van overeenkomsten van opdracht cu fecha november 2022 y e topico Integridad gubernamental cu e documento:
richtlijnen_ovo’s_-_november_2022.pdf
Tur e informacion aki, ta disponibel caba riba e website menciona anteriormente, ademas a menciona cu si algun persona tin un comentario of sugerencia, nan tin un formulario disponibel tambe unda por duna un feedback tocante e desaroyo di proyecto aki.
