(NLTimes)—E velocidad den cual prijsnan ta aumentando na Hulanda a crece mas lihe den mei compara cu un luna prome. Esaki tabata en gran parti pa via di e prijs di energia cu a cay drasticamente luna pasa compara cu na april. Prijs di cuminda, bebida y tabaco a subi atrobe, aunke si menos drastico cu den april. Y e costo di productonan industrial tambe a aumenta.
Estadistica Hulandes (CBS) a reporta den un prome calculacion cu inflacion a acumula pa 6.1% luna pasa. Den april, inflacion a subi inesperadamente pa 5.2% riba un base anual, for di 4.4% den maart. Esey tabata en gran parti pa via di e caida menos pronuncia di prijs di energia, pero cuminda mas caro tambe a hunga un rol. Na su punto mas halto den september aña pasa, inflacion tabata na 14.5%.
E averahe di prijs aumenta pa productonan den supermercado tabata 12.8% luna pasa, compara cu 13.2% den april. Prijs di producto industrial a subi pa 8.9%, compara cu e 8.3% un luna prome. Na otro banda, energia, incluyendo combustibel pa motor, a bisa 18.5% mas barata despues cu e porcentahe a cay cu mas di 22% den april. Servicionan a bira 6.1% mas caro despues di un aumento di prijs di 6% un luna prome.
Pa por haci un bon comparacion cu otro paisnan Europeo, CBS tambe a provee figuranan di inflacion segun e metodo di calculacion Europeo, cual no ta considera huur di cas, entre otro. E ora inflacion a acumula pa 6.8%, compara cu 5.8% den april.
E agencia di estadistica Europeo, Eurostat, a publica figuranan di inflacion pa henter e zona Europeo. Na april, inflacion anual den e area di euro tabata 7%. Na comienso di e siman aki, a parce cu inflacion na Alemania, Francia y Spaña a baha den mei.
Cu inflacion riba e obhetivo di 2%, e Banco Central Europeo (ECB) probablemente ta bay sigui aumenta prijs di interes. Legisladonan di ECB ta bay reuni atrobe den juni. Tin e expectativa general cu un interes di un cuarto di un punto di porcentahe por reduci inflacion.
