(NLTimes)—E grado na cual prijs na Hulanda ta subi a cay mas den juli compara cu un luna prome, segun Oficina di Estadistica Hulandes (CBS) a reporta a base di un calculacion inicial. Inflacion e luna aki tabata 4.6%. Den juni, esaki ainda tabata na 5.7%. Den e luna ey, e oficina di estadistica a uza un metodo nobo pa midi prijs di energia den e grado di inflacion pa prome biaha.
Den e metodo bieu, e desaroyo di prijs a ser midi a base di contractonan di energia nobo. E metodo nobo ta uza data di transaccion for di proveedornan di energia, tambe considerando e gradonan di contractnan di energia den largo plaso. Segun CBS, esaki ta sigura un figura di inflacion mas corecto.
E caida di e luna cu a caba di pasa tabata mayormente debi na e desaroyo di prijs pa combustibel pa motor, cual a sigui cay. Energia, incluyendo combustibel pa motor, a bira 21.6% mas barata despues di un caida di prijs di 16.3% na juni. Prijs di cuminda, sinembargo, a subi. E aumento di prijs di productonan den supermercado en averahe tabata 11.6% e luna aki, compara cu 12.6% na juni.
Prijs di productonan industrial a subi cu 6.3%, compara cu 7.3% un luna prome. Servicionan a bira 5.8% mas caro despues cu un aumento di 5.7% na juni. Pa por haci un bon comparacion cu otro paisnan Europeo, CBS tambe a provee figuranan di inflacion den cuadra cu e metodo Europeo, cual no ta considera e prijs di huur, entre otro. E devaluacion di placa a conta pa 5.3% e ora, compara cu 6.4% na juni.
Ayera e agencia estadistica Eurostat a publica figuranan di inflacion pa henter e zona Europeo. Na juni, e inflacion den e area di euro a cay pa 5.5% anualmente.
Pasobra inflacion tabata riba e obhetivo di 2% ainda, e Banco Central europeo (ECB) a subi prijs di interes atrobe siman pasa cu un kwart di un punto porcentahe pa 3.75%. Si ECB lo sigui subi prijs di interes durante e proximo reunion na september ta depende riba e data economico disponibel e tempo ey, segun e banco central.
