(NLTimes) – Inflacion lo cay hopi mas lihe si gobiernonan corta nan gastonan y haci servicionan mas caro mientras banconan central ta aumenta interesnan. Esaki ta e conclucion cu un estudio di Dutch Central Bank (DNB) a conduci conhuntamente cu Radboud University. Tambe e ta traha di miho manera si e banconan central y gobiernonan move den e mesun direccion.
Banconan central actualmente ta aumentando tarifanan di interes pa causa di inflacion. Nan ta purbando di baha e velocidad di e economia y controla e inflacion. Na mesun momento, gobiernonan ta purbando absorbe e dolor di e consumidornan cu medidanan di sosten.
DNB y European Central Bank (ECB) a adverti pa un tempo caba cu e gobiernonan mester dirigi e tipo di sostennan aki na solamente personanan cu ta den problema pa causa di e prijsnan halto. Medidanan manera Hulanda su prijs di energia, cual ta aplica pa tur hende, lo trece mas placa den e economia y actua contra di ECB su esfuersonan.
Esaki tambe a aplica despues di e crimen financiero. For di 2012, ECB a introduci un politica di acomodacion. Interesnan a baha, y banconan central a cuminsa cumpra accionnan, cual a trece mas placa den circulacion. Na mesun momento, mayoria gobierno den Eurozone a enfoca riba otro cosnan, cual a causa politicanan oponente. Cosnan a bira miho durante e crisis di coronavirus ora cu gobiernonan y ECB ambos tabata stimulando e economia.
