Indonesia a renombra e teritorio di e pais su zona economico exclusivo den e lama di Sur di China pa lama di Natuna Norte. Esaki ta un acto di resistencia y soberania entre e paisnan zuidoost Asiatico contra China su ambicionnan teritorial den region maritimo, segun analistanan.
Varios nacionnan zuidoost Asiatico tin conflicto ora ta trata di China su reclamonan teritorial pa cu e fronteranan maritimo controversial di e pais. Tin un competencia den region pa explotacion di e recursonan den e lama di Sur di China, manera hidro-carbon abundante y recursonan pa pesca.
China a intimida paisnan den e region ora cu a desplega operacionnan militar riba islanan artificial cu e pais a construi den areanan discutibel di e region. Indonesia ta sclama cu nan no tin intencion teritorial den e area, pero anteriormente tabatin conflicto entre e dos nacionnan pa derechonan di pesca, cual a resulta den e detencion di piscado Chines.
