Autoridad indigena di pueblo di Sierra Nevada di Santa Marta, Colombia, a denuncia un atake di como 100 homber, cu a sucede na comunidad Umuriwun, na sector La Mesa, riba dia 19 di februari.
Den un comunicado, e indigena a señala cu varios homber a maltrata población arhuaco cu tabata presente na e lugar, y a kima espacio sagrado cu e grupo indigena ta usa frecuentemente. “Desde e momento ey, pueblo ta bao continuo menasa di persona cu ta identifica como militante di Autodefensa Uni di Colombia.”
E sucedido cu a tuma lugar ser denuncia dilanti di Fiscalia General di Colombia y a ser considera como un strategia di reposicionamento di paramilitar, cu tin interes na e lugar aki, y cu prome cu e dia di e situacion ey, na e lugar conoci como La Mesa, tabatin semper un escenario di violencia contra pueblo indigena. Saul Mindiola, vocero, a señala cu e tereno ey, a ser cumpra cu placa di comunidad den un proceso di recuperacion di teritorio, y awor persona desconoci y cu ta relaciona cu grupo paramilitar ta kere di por tuma posesion di e teritorio ey. “A sucede un acercamento di banda di autoridad indigena pa logra respet na e lugar, pasobra ta un espacio sagrado. Na e momento aki e actitud di dialogo a bay topa cu varios momento di confrontacion registra entre e hombernan y pueblo indigena, pasobra e paramilitarnan ta busca di invadi e teritorio ey”, Mindiola a bisa.
Mindiola a señala cu e grupo di homber a bisa cu pueblo indigena tabata dedica na haci bruheria y cu si nan ta continua cu presion pa asina obliga nan bay di e teritorio aki, anto nan no lo tin ningun problema cu kima e pueblo ey”. Situacion na Sierra Nevada ta compleho, pasobra henter comunidad a denuncia cu a registra hopi menasa na otro lugar di e teritorio tambe. Na luna di januari e pueblo Kogui a denuncia cu lider Francisco Gil a haya menasa di banda di paramilitar cu a yega na su teritorio. Comunidad Wiwa a denuncia persecucion, ora cu nan a purba di defende nan teritorio tambe.
