Recientemente, Bureau Central di Estadistica, CBS a publica nan Indice di Prijs di Consumo pa luna di september 2023. Den esaki por a tuma nota cu e indice di ‘cuminda y servicio di catering’ a registra un aumento di 0.6%.
E indice di “Cuminda & servicio di catering” a registra un subida di 0.6% na September 2023, despues di un subida di 0.3% na Augustus 2023. E indice di “Cuminda na cas” (0.6%) a registra un subida, unda ocho (8) di e diesun (11) indicenan di e gruponan di cuminda na cas a subi na September 2023.
E indice di “Fruta” a conoce e subida di mas grandi (4.8%) na September 2023. E indicenan di “Pisca y otro cuminda di lama” (2.0%), “Sucu, jam y otro tipo di cos dushi” (1.1%) y “Azeta y otro productonan traha di vet” (0.9%) tambe a registra subida.
E caida mas grandi a wordo registra den e indice di “Berdura” (-2.2%) na September 2023. E indice di “Cuminda pafo di cas” a subi cu 0.6% na September 2023. Na September 2023, “Cuminda na cas” y “Cuminda pafo di cas” como grupo, tawata tin un subida di prijs di 0.6% compara cu Augustus 2023 y hunto tawata tin un influencia di 0.10 ppt riba e CPI, mientras cu e restante bienes y servicio hunto a experencia un subida di prijs di 1.1% y tawata tin un efecto di 0.89 ppt riba e CPI.
