PAKISTAN – Un atake di avion prome cu solo sali den e ciudad di Pakistan, cu India a punta na un campo di entrenamento di terorista cu a mata un gran number di militar, a aumenta tension diamars entre e dos pais cu arma nuclear, cu ta enfrenta den e teritorio di Cachemira.
Islamabad a bisa cu no a tin victima cerca di ciudad di Balakot, cerca di frontera cu e sector di Pakistan di Cachemira, unda cu e residente a bisa cu e fuerte explosion a lanta y sacudi cas di famia.
“Tabata madruga y nos tabata spanta, ningun momento nos a pensa tabata avion hunto cu explosion poderoso”, Mohammad Abbas, di 20 aña a bisa AP. E militar di Pakistan a aleha di area y a pone e reporteronan 1km leu di unda e tiramento di bom tabata ta.
E atake aereo ta e ultimo desde un atake suicida mortal na e seccion di Cachemira, cu a mata mas di 40 militar di India na principio di e luna aki. Pakistan a nenga su participacion den atake, pero a promociona cu lo responde na cualkier operacion militar di India contra nan.
Cachemira ta dividi entre ambos pais, pero reclama pa cada uno den nan totalidad. E grupo militar di sede di Pakistan, Jaish-e-Mohammad, a responsabilisa pa e atentado. E atacado cu a haci video tabata residente di e sector na Cachemira controla pa India.
Vijay Gokhale, kende ta secretario di relacion di exterior di India, a bisa na reportero di New Delhi cu avion di combate di India a ataca e campamento di Jais-e-Mohammad, den un atake preventivo despues cu inteligencia a indica cu ta preparando pa otro atake.
“Nan a actua cu inteligencia, India a keda awe cu e campo di entrenamento mas grandi di Jaish-e-Mohammad na Balakot. Den operacion aki a elimina un gran number di terorista, trainer, comandante di halto rango y yihadista”, sr. Gokhale a bisa. Nan ta bisa cu hende tin miedo y ta resa pa e no bira un guera.
