Durante un tiroteo na stacion di metro Kraaiennest na Amsterdam-Zuidoost, e criminal di Amsterdam Inchomar Balentien a wordo asesina.

E tiroteo a tuma luga algo prome cu mey anochi. Inchomar tabata na un plasa cera di e stacion di metro ora cu un persona desconoci cu arma di candela a aserke. E homber a cuminsa tira den contra di cual Inchomar a logra huy un par di meter leu. E tirado sinembargo a persigui mientras e tabata sigui tira, despues finalmente Inchomar a cay na suela, el a fayece pa motibo di e heridanan cu el a ricibi. Ta ser bisa cu e tirado a huy den un auto, cual despues a ser haya kima na Valburgdreef cerca di Gaasperplas.

E patruya a meld cu e victima ta Inchomar Balentien di 33 aña di edad. E no ta ningun persona desconoci den mundo baho di Amsterdam. Riba dia 31 di october 2012 por el a forma parti di e grupo cu wordo aresta na Plaza Dam na Amsterdam pa motibo cu e hombernan kier a likida Benaouf A., segun e recherchenan. E otro hombernan cu a wordo aresta e tempo ey tabata Gwenette Martha, Khalid J. y Dennis L. Sinembargo corte a absolve nan di e sospecho aki.

Asesinato di Johannes Kastiel
 Na principio di e aña aki el a ser husga pa participa den e asesinato di e criminal Surinam Johannes Kastiel na 2008 den un lift na e flat Gooioord na Zuidoost. Segun husticia e hoben di 22 aña di edad Inchomar Balentien, y Jermain W. a horta e victima Johannes Kastiel dia 20 di april 2008 35.000 euro.

Johannes Kastiel tabata un ex bodyguard di Ronny Brunswijk. Corte a exigi e tempo ey 12 aña di prizon pa Jermain W. y 10 aña di prizon pa Inchomar Balentien. Sinembargo corte a absolve Inchomar di su participacion den e robo. Segun Corte, e fiscal no tabatin prueba suficiente cu e tabata ‘Detcho chikito’ (un termino uza den mundo criminal) tocante cual un testigo anonimo a menasa cual a el a duna su declaracion. Jermain W. a wordo condena na 8 aña y dies luna di prizon.

Intento di likidacion
 Na 2013 tabatin un intento di likidacion contra di Inchomar Balentien. Apenas el a sobrevivi e intento di likidacion dia 27 di augustus 2013. E anochi ey Inchomar Balentien tabatin un cita na Antwerpenbaan na Nieuw-Sloten. Aki ta unda cu nan a tire dos biaha cu un arma di candela automatico, e sospechosonan a huy den un Audi A4. Inchomar a sobrevivi e atake pa motibo e tabatin un chaleco anti bala bisti.

Despues di e intento di likidacion aki Inchomar Balentien a sali di hospital y a bay sconde. Pa motibo cu e no tabata confia e siguridad di hospital, pero e rason berdadero tabata cu el a teme di ta un obhetivo di likidacion di e asesinonan di tattoo(Tattookillers). Tattookillers Cor y Brian P. Kier a scuch’e como testigo den un caso hudicial na e momento ey. Inchomar tabatin e mesun marcanan Chines cu e Tattookillers tin na su lomba, aunke nunca e tabata un miembro di e gang. Ademas di e marcanan Chines, e tabatin tambe un tattoo cu e texto ‘Boneka Forever’ cu ta ser referi na Boneka Belserang cual riba dia 5 di februari 2009 a ser likida na Leiderdorp. Inchomar a pone esaki riba su lomba pa asina nan pensa cu e tabata miembro di e Tattookillers.