Recientemente, director di ImSan, drs. Joel Rajnherc y managing director di ENNIA, Sr. Henry van den Berg den presencia di Sra. Gina Maduro, presidente di sindicato ABV a firma prolongacion di su pensioen colectivo pa e empleadonan di ImSan.
ImSan bao guia di actuaris Sr. Rishi Achaibersing, di e compania Keesen Actuarissen a acerca varios compania di seguro local pa oferta despues di evalua cada uno y scoge pa keda y prolonga e pensioen colectivo cu ImSan ya tin cu ENNIA pa cinco aña mas, mirando cu a ofrece y mehora e beneficionan pa e trahadornan di ImSan. E pensioen colectivo ta drenta na vigor for di 1 di augustus 2022.
Por ultimo, den un comunicado di prensa, ImSan ta gradici e companianan di seguro cu a manda nan oferta y ta spera cu por sigui cu e bon cooperacion ricibi di ENNIA pa e proximo añanan. ImSan ta orguyoso di por a logra miho beneficio pa cada un di su empleadonan y asina percura pa nan tin un bon pensioen den futuro pa disfruta di dje.
